रूस–युक्रेन युद्धमा उत्तर कोरियाका एक हजारभन्दा धेरै सैनिक मारिएका दक्षिण कोरियाको दाबी

पुष ८, २०८१ सोमबार १८:३०:१८ | एजेन्सी

दक्षिण कोरियाले रूस–युक्रेन युद्धमा उत्तर कोरियाका एक हजार एक सयभन्दा धेरै सैनिकको ज्यान गएको दाबी गरेको छ । दक्षिण कोरियाली गुप्तचर निकायले डिसेम्बरमा युद्धमा प्रवेश गरेयता कम्तीमा एक सय उत्तर कोरियाली सैनिक मारिएको रिपोर्ट गएको हप्ता सांसदहरूलाई बुझाएको थियो । त्यसयता थप एक हजार उत्तर कोरियाली सैनिकले ज्यान गुमाएका बताएको समाचारसंस्था एएफपीले जनाएको छ ।

दक्षिण कोरियाली सेना प्रमुखले निकाल्नुभएको विज्ञप्तीमा रुसलाई सहयोग गर्न थप उत्तर कोरियाली सैनिक तैनाथ गरिने सम्भावना रहेको उल्लेख छ । युक्रेनविरुद्धको लडाईमा रुसलाई थप सहयोग गर्न उत्तर कोरियाले विनाशकारी ड्रोनहरूको उत्पादन गर्न र उपलब्ध गराउन लागेको पनि दक्षिण कोरियाली गुप्तचर निकायको दाबी छ ।

उत्तर कोरियाले रूस–युक्रेन युद्धमा लडाई अनुभवको आधारमा आफ्नो परम्परागत युद्ध क्षमतालाई आधुनिकीकरण गर्ने लक्ष्य राखेको र त्यसले आफूहरूमाथि सैन्य खतरा बढाउन सक्ने दक्षिणको दाबी छ । रुसले सन् २०२२ फेब्रुअरीमा युक्रेनमा आक्रमण गरेपछि उत्तर कोरिया र रूसबीच सैन्य सम्बन्ध बलियो बनेको छ ।

दुई देशबीच गएको जुनमा हस्ताक्षर भएको रक्षा सम्झौता यही डिसेम्बरदेखि लागू भएको छ । जसअनुसार उत्तर कोरियाका ११ हजारभन्दा धेरै सेना रुसको सहयोगका लागि युद्धमा खटिएका विज्ञहरुलाई उद्धृत गर्दै बीबीसीले जनाएको छ ।

विज्ञहरुका अनुसार उत्तर कोरियाली नेता किम जोङ–उन रुसबाट अत्याधुनिक प्रविधि र आफ्ना सैनिकका लागि युद्धको अनुभव हासिल गर्न इच्छुक रहेका एएफपीले जनाएको छ ।

अन्तिम अपडेट: पुस ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रूस–युक्रेन युद्धमा उत्तर कोरियाका एक हजारभन्दा धेरै सैनिक मारिएका दक्षिण कोरियाको दाबी

तस्बिर : एजेन्सी

तपाईको प्रतिक्रिया