दीपिकाले लगाएको औँठीकै मूल्य झण्डै ३ करोड !

कात्तिक ३०, २०७५ शुक्रबार २०:३०:५४ | एजेन्सी

अभिनेत्री दीपिका पादुकोण र रणवीर सिंहले नोभेम्बर १४ र १५ मा इटालीको लेक कोमोमा लगनगाँठो कसिसकेका छन ।

उनीहरुको विवाहको तस्बिर सामाजिक सञ्जालमा यतिबेला भाइरल भइरहेको छ । दुलही र दुलाहाको पहिरनमा सजिएका दीपिका र रणवीरको तस्बिर फ्यानहरुले निकै मन पराइरहेका छन् । दीपिकाले लगाएको इन्गेजमेन्ट रिङ्गले धेरैको ध्यान खिचेको छ । साथै अहिले दीपिकाको इन्गेजमेन्ट रिङ्गको मूल्यको पनि चर्चा भइरहेको छ ।

भारतीय सञ्चारमाध्यमका अनुसार दीपिकाले लगाएको इन्गेजमेन्ट रिङ्गको मूल्य १.३ करोड देखि २.७ करोड भारतीय रुपैयाँ बराबरको हो । साथै दीपिकाले लगाएको मंगलसुत्रको मूल्य २० लाख रुपैयाँ भएको बताइएको छ । उनले रणवीर सिंहका लागि झण्डै २० तोलाको सिक्री पनि किनेकी थिइन् ।

यसैगरी दीपिकाले ओढेको घुम्टी पनि विशेष थियो । उनको घुम्टीमा गोल्डेन कढाई गरेर ‘सदाः सौभाग्यवती भवः ।।’ लेखिएको थियो । कढाई गर्दा कुनै सामान्य धागोको प्रयोग नभई सुनको धागो प्रयोग गरिएको थियो । दीपिकाको लागि यो घुम्टी रणवीर सिंहको परिवारको तर्फबाट बनाइएको थियो ।

विवाहको तस्बिरले बनायो रेकर्ड

दीपिका र रणवीरको विवाहको तस्बिरले विराट कोहली र अनुष्का शर्माको विवाहको फोटोले बनाएको रेकर्डलाई तोडेको छ । दीपिका पादुकोणले सबैभन्दा पहिले विवाहको फोटो उनको इन्स्टाग्राम एकाउन्टमार्फत सार्वजनिक गरेकी थिइन् । तस्बिरलाई पोस्ट भएको २ घण्टाभित्रमा २६ लाख भन्दा धेरै लाइकहरु पाएको थियो ।

साथै तस्बिर सार्वजनिक भएको १५ घण्टाभित्र ५१ लाख भन्दा धेरै लाइकहरु पाइसकेको थियो भने विराट र अनुष्का शर्माको विवाहको तस्बिरले १५ घण्टाभित्र २५ लाखभन्दा बढी लाइक पाएको थियो ।

View this post on Instagram

❤️

A post shared by Deepika Padukone (@deepikapadukone) on Nov 15, 2018 at 6:36am PST

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्