तेह्रथुममा महिलासहित ६ जना जुवाडे पक्राउ

मंसिर २, २०७५ आइतबार १८:४२:३२ | प्रकाश धौलाकोटी

तेह्रथुम – तेह्रथुमको म्याङलुङ बजारबाट शनिबार राति एक महिलासहित ६ जना जुवाडेलाई प्रहरीले पक्राउ गरेको छ ।

म्याङलुङ बजारमा रहेको कोठा भाडामा लिई पान पसल सञ्चालन गर्दै आएका सोमनाथ ढुंगानाको पसलमा तास खेल्दै गरेका ६ जना जुवाडेलाई शनिबार राति १२ बजे प्रहरीले नियन्त्रण लिएको हो ।

तास खेल्दै हो–हल्ला गरेको भन्ने उजुरीका आधारमा छापा मार्दा उनीहरुबाट ताससहित १७ हजार ६ सय ५ रुपैयाँ बरामद भएको जिल्ला प्रहरी प्रमुख टेकबहादुर कार्कीले बताउनुभयो ।

पान पसल सञ्चालक ढुंगानासहित म्याङलुङ नगरपालिका वडा नम्बर १ बस्ने महेन्द्र गुरागार्इँ, वडा नम्बर ३ बस्ने अर्जुन निरौला, वडा नम्बर २ बस्ने सुमन तामाङ, वडा नम्बर १ बस्ने बाबुराम चौहान र लालिगुराँस नगरपालिका–६ घर भई डेरा गरी बस्ने सीता संग्रौलालाई पक्राउ गरिएको जिल्ला प्रहरी कार्यालय तेह्रथुमले जनाएको छ ।

करणी आरोपमा एक व्यक्ति पक्राउ

जबरजस्ती करणी आरोपमा तेह्रथुमको आठराई गाउँपालिका–३ ह्वाकुबाट एकजना पक्राउ परेका छन् ।

स्थानीय १४ वर्षीया नाबालिकालाई जबरजस्ती करणी गरेको आरोपमा ४७ वर्षका राजेन्द्रकुमार डाँगीलाई पक्राउ गरिएको जिल्ला प्रहरी कार्यालय तेह्रथुमका प्रहरी निरीक्षक नारायण गौतमले जानकारी दिनुभयो ।

डाँगीले बालिकाको घरमा गएर बलात्कारको प्रयास गरेको भन्दै पीडित पक्षले प्रहरीले समक्ष उजूरी दिएपछि डाँगी पक्राउ परेका हुन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रकाश धौलाकोटी

उज्यालोका तेह्रथुम सहकर्मी प्रकाश धौलाकोटी रेडियो तेह्रथुममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्