गुठीचौर गाउँपालिकाको कार्यालयमा तोडफोड, १४ लाखको क्षति

मंसिर २, २०७५ आइतबार १९:१३:३६ | नेत्र शाही

जुम्ला – गुठीचौर गाउँपालिकामा नचिनेका मानिसको समूहले गुठीचौर गाउँपालिकामा तोडफोड गर्दा लाखौं रुपैयाँको क्षति भएको छ ।

शनिबार राति जुम्ला गुठीचौर गाउँपालिकाको कार्यालयमा नचिनेको मानिसको समूहले तोडफोड गरी कम्प्युटर, सीसी क्यामरासहित इलेक्टोनिक सामग्रीहरु नष्ट गरेका छन् ।

डिजिटल गाउँपालिको रुपमा लाखौंका इलेक्ट्रोनिक सामग्री नष्ट भएको तथा गाउँसभाको माइनट समेत नभेटिएको प्रमुख प्रशासकीय अधिकृत केशवराज शर्माले जानकारी दिनुभयो । उहाँका अनुसार सीसी क्यामरा, डिजिटल हाजिरी, इन्टरनेट राउटर, ७ वटा प्रिन्टर ५ वटा कम्युटर र ल्यापटपलगायतका सामग्रीहरुमा क्षति पुगेको छ । उहाँका अनुसार गाउँपालिका आगजनी गर्न प्रयास गरिएको तर सफल नभएको देखिन्छ ।

प्रमुख प्रशासकीय अधिकृत शर्माका अनुसार कागजहरु केही जलाइएको भेटिएको छ । यसैगरी गाउँपालिकामा जडान गरिएको सीसी क्यामरा चुडेर फालिएको छ । झण्डै साढे १४ लाख मूल्य बराबरको समान क्षति भएको प्रहरी नायव उपरीक्षक सीताराम रिजालले बताउनुभयो ।

यसैगरी यहाँको चन्दननाथ नगरपालिकाको जीप नचिनेका मानिसको समूहले जलाएका छन् । चन्दननाथ नगरपालिकाको प्राङ्गणको स्टेण्डमा राखिएको क १ झ १ नम्बरको गाडी शनिबार राति १ बजे जलाइएको जिल्ला प्रहरी कार्यालय जुम्लाले जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्