गएको वर्ष औसत २६ दिन अतिरिक्त गर्मी : जलवायु परिवर्तन नै मुख्य कारण

जेठ १९, २०८१ शनिबार ९:३१:३५ | एजेन्सी

विश्वले पछिल्लो १२ महिना अर्थात् गएको वर्ष औसत २६ दिन अतिरिक्त अत्यधिक गर्मीको अनुभव गरेको छ । यो जलवायु परिवर्तन बिना सम्भव नरहेको एक प्रतिवेदनमा उल्लेख छ । जलवायु परिवर्तनले संसारका सबै ठाउँमा चरम गर्मीको २६ दिन थप बढाएको प्रतिवेदनको निष्कर्ष छ ।

प्रतिवेदन रेडक्रस रेड क्रिसेन्ट क्लाइमेट सेन्टर, वर्ल्ड वेदर एट्रिब्युसन साइन्टिफिक नेटवर्क र गैरनाफामुखी अनुसन्धान संस्था क्लाइमेट सेन्ट्रलले प्रकाशित गरेका हुन् । युरोपेली सङ्घ (इयु) को जलवायु अनुगमन, कोपर्निकसकाअनुसार सन् २०२३ रेकर्डमा सबैभन्दा तातो वर्ष थियो ।

गएको वर्ष चरम गर्मीको लहरले मेक्सिकोदेखि पाकिस्तानसम्म विश्वको धेरै भागलाई प्रभावित पार्‍याे । पछिल्लो १२ महिनामा झण्डै छ अर्ब ३० करोड मानिस अर्थात् (विश्व जनसङ्ख्याको झन्डै ८० प्रतिशत) ले कम्तिमा ३१ दिन चरम गर्मीको अनुभव गरेका प्रतिवेदनमा उल्लेख छ ।

समग्रमा अन्टार्टीका बाहेक हरेक महादेशका ९० विभिन्न देशमा ७६ वटा चरम गर्मीको लहर दर्ता भएका थिए । सबैभन्दा बढी प्रभावित पाँच देश ल्याटिन अमेरिकामा थिए । अत्यधिक गर्मीकै कारण दशौँ हजार मानिसले ज्यान समेत गुमाएका छन् । रेडक्रसको अन्तर्राष्ट्रिय महासङ्घका महासचिव जगन चापागाईंले बाढी र आँधी हेडलाइन बन्ने गरेका तर अत्यधिक गर्मीको प्रभाव पनि उत्तिकै घातक रहेको बताउनुभएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गएको वर्ष औसत २६ दिन अतिरिक्त गर्मी : जलवायु परिवर्तन नै मुख्य कारण

तस्बिर : एजेन्सी

तपाईको प्रतिक्रिया