सुनिल शेट्टीकी छोरी अथियाको करियर बनाउने जिम्मा लिए सलमानले

मंसिर ४, २०७५ मंगलबार ९:०:५५ | उज्यालो सहकर्मी

अभिनेता सुनिल शेट्टीका छोरा आहान शेट्टी छिट्टै नै बलिउडमा डेब्यू गर्दैछन् । निर्देशक मिलन लुथरियाको निर्देशन तथा निर्माता साजिद नाडियावालाको निर्माणमा बन्ने फिल्मबाट उनले डेब्यू गर्नेछन् ।

सुनिल शेट्टीकी छोरी अथिया शेट्टीले भने ३ वर्ष अघि नै सुभाष घईको फिल्म ‘हिरो’ बाट बलिउड डेब्यू गरिसकेकी छिन् । यस फिल्मको निर्माण अभिनेता सलमान खानले गरेका थिए । तर फिल्मले बक्स अफिसमा सफलता हासिल गर्न सकेन । अथिया अहिले बलिउडमा हिट फिल्मको प्रतिक्षामा छिन् ।

तर अब भने अभिनेत्री अथिया शेट्टीलाई यस विषयमा टाउको दुखाएर बस्नुपर्ने कुनै आवश्यकता छैन किनकी अथियाका लागि बलिउडका ‘दबंग’ सलमान खानले अथियाको जिम्मेवारी लिन अघि सरेका छन् । सलमान खान अहिले अथियाको लागि एक हिट फिल्मको खोजीमा जुटेका छन् ।

सलमान खानले आदित्य पञ्चोली र सुनील शेट्टीका सन्तानलाई बलिउडमा डेब्यू गराउने बचन दिएका थिए । त्यही अनुरुप खानले आदित्य पञ्चोलीका छोरा सूरज पञ्चोली र सुनील शेट्टीकी छोरी अथियालाई फिल्म ‘हिरो’ बाट डेब्यू गराएर आफूले दिएको बचन पूरा गरेका थिए । तर यो फिल्मले राम्रो प्रदर्शन गर्न सकेन ।

त्यसैले सलमान फेरि अहिले अथियाको लागि राम्रो प्रोजेक्टको खोजीमा छन् । साथै सूरज पञ्चोली पनि फेरि यस पटक अभिनेत्री कट्रिना केफकी बहिनी इजाबेल केफका साथ नयाँ फिल्ममार्फत दर्शकमाझ आउने तयारी गरिरहेका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्