कोइराला परिवार मिल्दा अत्तालिएको छैन : देउवा

मंसिर ४, २०७५ मंगलबार १३:३५:५० | सुमन तिमल्सिना

मोरङ – पूर्व प्रधानमन्त्री तथा नेपाली कांग्रेसका सभापति शेरबहादुर देउवाले पार्टी भित्रको झगडालाई सामान्य लिनु पर्ने बताउनुभएको छ ।

उहाँले पार्टीभित्रको झगडालाई ठूलो रुपमा लिन नहुने उल्लेख गर्नुभयो । एउटा घरमा त झगडा र कलह हुने भन्दै उहाँले पार्टीभित्रको मतभेद सामान्य भएको बताउनुभएको हो ।

उहाँले घरजस्तै पार्टीमा पनि झगडा र विवाद हुने भन्दै यसलाई मिलाउने पक्षमा आफू रहेको बताउनुभयो । उहाँले मंसिर २ गते महामन्त्री डा. शशांक कोइराला, केन्द्रीय सदस्य डा. शेखर कोइराला र नेतृ सुजाता कोइराला विराटनगर आई मिलेको सन्देश दिँदा आफू नआत्तालिएको बरु यसले अब पार्टीको एकतामा सकारात्मक सन्देश पुगेको बताउनुभयो ।

प्रेस युनियन मोरङले आयोजना गरेको पत्रकारसम्मेलनमा देउवासँगै कांग्रेस केन्द्रीय सदस्य डा. शेखर कोइराला पनि हुनुहुन्थ्यो । कोइरालाप्रति लक्षित गर्दै देउवाले भन्नुभयो, ‘कोइराला परिवारमा जस्तै अब कांग्रेस पार्टीभित्रको झगडा पनि मिल्छ । तर पार्टी सञ्चालन गर्नु कठिन काम हो ।’

देउवाले पार्टीमा रहेको समूह, उप–समूह, गुट र उप–गुटले आफू पनि दिक्क भएको बताउँदै मिलाउने प्रयासमा लाग्दा हायलकायल भएको सुनाउनुभयो । पार्टीमा एक भएको फोरम मिलाउने क्रममा उप–सभापति मनन् गर्नु राजनीतिक निर्णय भएको त्यो विधान नमिचिएको दावी गर्दै देउवाले सकेसम्म मिलाउने प्रयास गरेको सुनाउनुभयो । नेविसंघको विवादको बिषयलाई लिएर महासमिति वैठक नसर्ने स्पष्ट पार्नुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्