‘वीर विक्रम –२’ छायाकंनका लागि निर्माण टिम जोमसोममा

मंसिर ४, २०७५ मंगलबार १५:११:३२ | उज्यालो सहकर्मी

काठमाडौं – मिलन चाम्सको निर्माण तथा निर्देशनमा निर्माण हुन लागेको चलचित्र हो ‘वीर विक्रम –२’ । चलचित्रको छायांकन सुरु भैसकेको छ ।

केही दिन अगाडि नै छायाकंन सुरु गर्ने भनिए पनि छायाकंन सुरुवातको अन्तिम समयमा नायक आकाश श्रेष्ठले चलचित्रबाट हात झिकेपछि छायाकंन प्रभावित भएको थियो । यतिबेला चलचित्र युनिट चलचित्र छायाकंनका लागि जोमसोम पुगेको छ ।

चलचित्रका सम्पूर्ण कलाकार तथा टिमलाई लिएर निर्माण युनिट जोमसोम पुगेको छ । चलचित्रका निर्माता तथा निर्देशक मिलन चाम्स, नायक पल शाह, नायिका वर्षा सिवाकोटी, कोरियोग्राफर कविराज गहतराजलगायत अन्य केही कलाकार यतिबेला जोमसोममा छन् । ४० दिनमा चलचित्रको छायाकंन सकिने अनुमान गरिएको छ ।

चलचित्रमा केही हिमाली भेगका दृश्यसमेत समावेश हुने बताइएको छ । सँगै एउटा गीतको छायाकंनसमेत सम्पन्न गरेर निर्माण टिम काठमाडौं फर्कने निर्देशक चाम्सले बताए ।

यसअघिको चलचित्र वीर विक्रममा दयाहाङ राई, दिया पुन, अनुपविक्रम शाही, अर्पन थापा, नाजिर हुसेनलगायतका कलाकारहरुको अभिनय रहेको थियो तर त्यसै चलचित्रको सिक्वेल ‘वीरविक्रम –२’मा पुरानाकलाकार नाजिर हुसेन मात्र यथावत राखिएको छ । चलचित्रमा अन्य पुराना कलाकारलाई देख्न पाइने छैन ।

चलचित्रमा नायक पल शाह र वर्षा सिवाकोटीले रोमान्स गर्दै छन् ।

– उज्यालो र गफगाफ डटकमको सहकार्य

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्