संस्थाको नाम - अपराधमुक्त समाज नेपाल, काम - बेरोजगार युवा ठग्ने

मंसिर ४, २०७५ मंगलबार १९:१०:५ | शैलेन्द्र महतो

धनुषा – ‘अपराधमुक्त समाज नेपाल राष्ट्रिय अभियान’ नामक संस्था खोलेर बेरोजगार युवाहरुलाई ठगी गरेको आरोपमा प्रहरीले जनकपुरबाट दुईजनालाई पक्राउ गरेको छ ।

पक्राउ पर्नेमा संस्थाका अध्यक्ष सिरहा नगरपालिका –२१, बस्ने २७ वर्षका अनिलकुमार मण्डल र त्यसमा काम गर्ने कर्मचारी जनकपुर उपमहानगरपालिका –४, बस्ने २२ वर्षकी नीतु मण्डल प्रहरीले जनाएको छ ।

जनकपुरको पिडारीचोकमा सूर्यनारायण यादवको घरको दोस्रो तल्लामा कोठा भाडामा लिएर ‘अपराधमुक्त समाज नेपाल राष्ट्रिय अभियान’ नामको संस्था खोलेर रोजगारी दिने नाममा सयाैँ बेरोजगार युवाहरुबाट दश हजार रुपैयाँको दरले लाखौँ रुपैयाँ अशुलेका छन् । दुवैजनाले अशुलेको ३ लाख ४५ हजार रुपैयाँ र संस्थाको कागजातहरु बरामद गरेको समेत जिल्ला प्रहरी कार्यालय धनुषाले जनाएको छ ।

संस्थाले अपराधमुक्त गर्न समाजमा जनचेतना कक्षा सञ्चालन गर्न बेरोजगारी युवाहरुलाई रोजगार दिने भन्दै प्रत्येकबाट १० हजार रुपैयाँ लिएका थिए । तर रुपैयाँ बुझेको बापत कुनै प्रकारको बिल अथवा प्रमाणपत्र भने दिएका थिएनन् ।

पक्राउ परेका संस्थाका अध्यक्ष अनिल मण्डल व्यावसायिक ठग गरेको तथ्य फेला परेको छ । रोजगार दिने नाम पत्रपत्रिकामा सूचना प्रकाशन गरी देशको विभन्न स्थानमा युवाहरुलाई रुपैयाँ ठगेर भागी अर्को ठाउँ गएर पुनः त्यही ठग धन्दा सञ्चालन गर्ने गरेको रहस्य खुलेको छ । उनले तीन महिनाअघि मात्र काठमाडौंको पुरानो बानेश्वरमा रहेकी माइतीदेवी सेतोपुलनजिक संस्था खोलेर ७५ जनासँग पाँच हजारको दरले लाखौँ रुपैयाँ ठगी गरेका थिए ।

त्यहाँ ७५ जनालाई तीन महिना कामसमेत गराएर पैसासमेत नदिई बिचल्लीमा छाडेर भागेका छन् । पाँच हजार रुपैयाँ र तीन महिना काम गरेको ज्यालासमेत नदिएर भागेपछि ७५ जना युवायुवतीहरु बिचल्लीमा परेका छन् ।

भागेका मण्डल पुनः केही दिनअघि जनकपुरमा संस्था खोलेर रोजगारी दिने सूचना पत्रपत्रिकामा प्रकाशन गरी भ्रम सिर्जना गरेर ठग्न थालेका थिए । त्यसै क्रममा प्रहरीले उनलाई पक्राउ गरेको हो । मण्डलले जनकपुरमा झण्डै तीन सयभन्दा बढीबाट तीसलाख भन्दा बढी रुपैयाँ ठगेको त्यसमा कामको लागि आवेदन र पैसा बुझाउनेहरुले बताएका छन् ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्