मनसुन सक्रिय भएसँगै वर्षाजन्य विपद्का घटना बढे, यो हप्ता देशका सबैजसो ठाउँमा पानी पर्ने

असार १२, २०८१ बुधबार १५:२:४ | उज्यालो सहकर्मी

काठमाण्डाै – मनसुनी प्रणाली सक्रिय भएसँगै भएको वर्षाले देशका विभिन्न ठाउँमा बाढी, पहिरो र डुबानजस्ता विपद्का घटनाहरू बढेका छन् ।

गृह मन्त्रालयका अनुसार विशेषगरी कोशी, मधेश र गण्डकी प्रदेशका विभिन्न ठाउँहरूमा पहिरो र डुबानका घटनाहरू देखिएका छन् । लमजुङको क्व्होलासोथार गाउँपालिका–३ बगुममा गए राति पहिरो खस्दा पुरिएका एकै परिवारका चार जनाको शव भेटिएको छ । ओखलढुङ्गामा पहिरोमा परेर एक जनाको ज्यान गएको छ भने दुई जना घाइते भएका छन् । माेरङकाे विराटनगर महानगरपालिकाका कैयौँ घर डुबानमा परेका छन् ।

जल तथा मौसम विज्ञान विभागको बाढी पूर्वानुमान महाशाखाका अनुसार अहिले देशैभरिका विभिन्न खोला तथा नदीहरूमा पानीको सतह बढिरहेको छ । पछिल्लो २४ घण्टामा सबैभन्दा धेरै पानी मोरङमा परेकाे छ । देशभर रहेका एक सय ७० वटा वर्षा मापन केन्द्रको विवरणअनुसार सबैभन्दा धेरै मोरङको विराटनगर विमानस्थल केन्द्रमा तीन सय ६१ मिलिमिटर वर्षा भएको जल तथा मौसम विज्ञान विभागले जनाएको छ ।

बितेको २४ घण्टामा एक सय ४७ वटा केन्द्रमा वर्षा भएको छ । वर्षा मापन गरिएका केन्द्रमध्ये दुई वटा केन्द्रमा दुई सय मिलिमिटरभन्दा बढी वर्षा भएको छ । ११ वटा केन्द्रमा एक सय मिलिमिटरभन्दा बढी र ३३ वटा केन्द्रमा ५० मिलिमिटरभन्दा बढी वर्षा भएको विभागले जनाएको छ । विभागका अनुसार यो हप्ताभरि नै देशका सबैजसो ठाउँमा वर्षा हुने सम्भावना छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मनसुन सक्रिय भएसँगै वर्षाजन्य विपद्का घटना बढे, यो हप्ता देशका सबैजसो ठाउँमा पानी पर्ने

सुनसरीको इनरुवामा कुरुवा खोलामा आएको बाढीले जलमग्न भएको सडक । तस्बिर : नवीन गड्तौला/रासस

तपाईको प्रतिक्रिया