‘राज्जा रानी २’ ले जित्ला त दर्शको मन

मंसिर ५, २०७५ बुधबार १६:३८:१६ | उज्यालो सहकर्मी

काठमाडौं – निर्माता एमके पौडेलले निर्देशन गरेको चलचित्र हो राज्जा रानी । जुन चलचित्र गएको वर्षमा नै रिलिज भइसकेको छ ।

तर उक्त चलचित्र बक्स अफिसमा असफल भयो । चलचित्रमा नायकमा रुपमा नाजिर हुसेन र नायिकाका रुपमाकेकी अधिकारीलाई प्रस्तुत गरिएको थियो ।
चलचित्र राज्जा रानीलाई व्यापारिक घाटा भए पनि निर्माता एमके पौडेल यो चलचित्रको सिक्वेल बनाउनका निम्ति कस्सिएका छन् । उनले एकै साथ तीन चलचित्रहरु निर्माणको तयारी थालेको बुझिएको छ ।

तीन चलचित्रहरुमध्ये सबैभन्दा पहिले ‘राज्जा रानी २’ निर्माणको तयारी गरिएको निर्माता पौडेलले जानकारी दिए । पौडेलले राज्जा रानीभन्दा पहिले चलचित्र रुद्रप्रियाको निर्माण गरेका थिए । उक्त चलचित्रले पनि दर्शकको मन जित्न असफल भएको थियो । उनको डेब्यू चलचित्र भने नाइन ओ क्लक हो । चलचित्र नाइन ओ क्लकबाट पनि उनी असफल निर्माता नै बनेका थिए ।

उनले नाइन ओ क्लकदेखि राज्जा रानीसम्म आइपुग्दा उनको कुनै पनि चलचित्रले व्यवसायिक सफलताको स्वाद चाख्न पाएको छैन । ‘राज्जा रानी २’ को कथामा अहिले काम भैरहेको बताइएको छ ।

कथाको काम सकिनेबित्तिकै कलाकार छनोटको काम अघि बढाउने तयारी भएको छ । यो चलचित्रबाट भने दर्शकको साथ पाउनेमा आशा रहेको निर्माता पौडेलको भनाइ छ । यो चलचित्रसँगै अन्य २ वटा चलचित्र बनाउने तयारी उनले गरेका छन् ।

–उज्यालाे र गफगाफ डट कमकाे सहकार्यमा

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्