कम्युनिष्ट सरकारले लोकतन्त्रको नाममा लुटतन्त्र मच्याइरहेको छ : अध्यक्ष कट्टेल

मंसिर ८, २०७५ शनिबार १५:३०:३० | उज्यालो सहकर्मी

काठमाडौं – नेपाल कम्युनिष्ट पार्टी (नेकपा)का अध्यक्ष ऋषि कट्टेलले कम्युनिष्ट भनिएका पार्टीकै नेतृत्वमा सरकार रहेको बेला क्रान्तिकारी कम्युनिष्टहरु संघर्षमा उत्रनु पर्ने अवस्था आउनु विडम्बना भएको बताउनुभएको छ ।

नेत्रविक्रम चन्द ‘विप्लव’ नेतृत्वको नेकपाले भृकुटी मण्डपमा आयोजना गरेको जनसभामा कट्टेलले वर्तमान सरकारले नागरिकका आवाज उठाउनेहरुलाई खोजी खोजी जेलमा कोच्न लागेकाले संघर्षमा उत्रनु परेको बताउनुभयो ।

‘सामान्य नागरिकका आवाज उठाउन प्रत्येक ठाउँमा निषेध गरिएको छ,’ उहाँले भन्नुभयो, ‘यो सरकार कम्युनिष्टको नाममा कलंक बनेको छ ।’ नेपाली कम्युनिष्टको ५० वर्षे यात्रामा ५० औँ पटकभन्दा बढी गठन पुनर्गठन हुँदै जानु दुखद भएको भए पनि नेतृत्वले गद्धार गरेर आत्मसमर्पण गर्दा बाध्य भएर सच्चा क्रान्तिकारीहरु पुनर्गठनमा लाग्नुपरेको उहाँले बताउनुभयो ।

दिनहुँ हुने गरेको हत्या, हिंसा र बलात्कारबाट नागरिक आजित भइरहेको अवस्थामा कम्युनिष्टको सरकारले भने लोकतन्त्रको नाममा लुटतन्त्र मच्चाइरहेको उहाँको आरोप छ ।

अन्तिम अपडेट: माघ १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्