मंसिरभित्रै उपराष्ट्रपतिको कार्यालय सार्ने सरकारको तयारी

मंसिर १०, २०७५ सोमबार १५:५९:३० | उज्यालो सहकर्मी

काठमाडौं – सरकारले मंसिर मसान्तभित्र उपराष्ट्रपतिको कार्यालय लैनचौरमा रहेको समाज कल्याण परिषदको भवनमा सार्ने तयारी गरेको छ ।

महिला, बालबालिका तथा जेष्ठ नागरिक मन्त्रालयले उपराष्ट्रपतिको कार्यालय लैनचौरमा रहेको समाज कल्याण परिषदको भवनमा सार्ने गरी तयारीको कामलाई तीव्रता दिइएको जानकारी गराएको हो ।

सोमबार संघीय संसद प्रतिनिधिसभा अन्तरगतको महिला तथा सामाजिक समितिको बैठकमा मन्त्रालयका सचिव बुद्धिबहादुर खड्काले उपराष्ट्रपति कार्यालय सार्न परिषदको भवन निर्माण तथा सुधारको काममा शहरी विकास मन्त्रालय लागि रहेकोे जानकारी पनि गराउनुभयो ।

महिला, बालबालिका तथा जेष्ठ नागरिक मन्त्रालयले समाज कल्याण परिषदको कार्यालय भने ललितपुरको पुल्चोकमा रहेको केन्द्रीय बाल कल्याण समितिको नयाँ भवनमा सार्ने निर्णय भएको छ ।

परिषदका कर्मचारीहरुको माग अनुसार उनीहरुको कार्यालय पुल्चोकमा रहेको केन्द्रीय बाल कल्याण समितिको नयाँ भवनमा सार्ने व्यवस्था गरिएको सचिव खड्काले बताउनुभयो । महिला, बालबालिका तथा जेष्ठ नागरिक मन्त्रालयले राष्ट्रिय आवश्यक्तालाई ध्यानमा राखेर उपराष्ट्रपति कार्यालय भवन समाज कल्याण परिषदको भवनमा सार्ने निर्णय लिएको पनि स्पष्ट पारेको छ ।

सचिव खड्काले समाज कल्याण परिषदको कामलाई व्यवस्थित बनाउन आवश्यक ऐन, कानुन संशोधन गर्न लागिएको पनि बताउनुभयो । उहाँले राष्ट्रिय लेखा प्रणालीमार्फत् सबै गैरसरकारी संस्थाहरुलाई पारदर्शी बनाउने योजना पनि अघि सार्नुभयो ।

राष्ट्रिय तथा अन्तर्राष्ट्रिय गैर सरकारी संस्थाहरुको सहयोगमा निर्माण गरिएको सो भवनमा उपराष्ट्रपति कार्यालय राख्न लागिएकोमा समाज कल्याण परिषदका कर्मचारीहरुले असन्तुष्टि जनाईरहेका छन ।

यता सरकारले भने त्यो भवन अर्थ मन्त्रालयको सम्पत्ति भएकाले राष्ट्रिय आवश्यक्तालाई ध्यानमा राखेर उपराष्ट्रपति कार्यालय सार्ने निर्णय गरेको स्पष्ट पारेको छ ।

अन्तिम अपडेट: माघ १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्