जलविद्युत विकासका लागि तत्काल नीतिगत सुधार गर्न सांसदहरुको माग

मंसिर ११, २०७५ मंगलबार १८:३८:४६ | उज्यालो सहकर्मी

काठमाडौं – प्रतिनिधिसभाका सांसदहरुले जलविद्युत विकासका लागि तत्काल नीतिगत सुधार गर्न सरकारसँग माग गरेका छन ।

प्रतिनिधिसभा अन्तरगतको अर्थ समितिको मंगलबारको बैठकमा बोल्दै समितिका सदस्यहरुले समग्र जलविद्युत विकासका लागि तत्काल नीतिगत सुधार गर्न सरकारसँग माग गरेका हुन ।

समितिका सदस्य एवम् पूर्व प्रधानमन्त्री डा. बाबुराम भट्टराईले विद्यमान विद्युत नीतिले देशलाई गम्भीर संकटमा फसाउने चेतावनी पनि दिनुभयो । उहाँले वर्षौसम्म लाइसेन्स ‘होल्ड’ गरेर बस्ने तर कामै नगर्ने विद्युत आयोजना निर्माणसम्बन्धी कम्पनीलाई कारबाहीको दायरामा ल्याउन पनि सरकारको गम्भीर ध्यानाकर्षण गराउनुभयो ।

समितिका अर्का सदस्य एवम् पूर्व अर्थमन्त्री ज्ञानेन्द्रबहादुर कार्कीले देशको समृद्धिको मूल आधारको रुपमा रहेको जलविद्युत क्षेत्रको विकासका लागि मार्गदर्शन नै निर्माण गरेर अघि बढ्न सरकारको ध्यानाकर्षण गराउनुभयो । विद्यमान नीति अन्तरगत देश अघि बढे जलस्रोत क्षेत्रको विकास नहुने उहाँको भनाई थियो ।

समितिका सदस्य घनश्याम भुसालले दलाल पूँजीवादी चलखेलका कारण देशको जलविद्युत क्षेत्रको विकास हुन नसकेको भन्दै असन्तुष्टि व्यक्त गर्नुभयो । उहाँले राष्ट्रिय आवश्यक्तालाई हेरेर मात्रै जलविद्युतको लाइसेन्स वितरण गर्न पनि सरकारलाई सचेत गराउनुभयो ।

बैठकमा लगानी बोर्डका प्रमुख कार्यकारी अधिकृत महाप्रसाद अधिकारीले जलविद्युत क्षेत्रको लगानी र त्यसका प्रभावका बारेमा जानकारी गराउनु भएको थियो ।

अन्तिम अपडेट: माघ १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जलविद्युत विकासका लागि तत्काल नीतिगत सुधार गर्न सांसदहरुको माग

फाइल तस्बिर

तपाईको प्रतिक्रिया