राजाबाबु हत्या आरोपमा ७ जनामाथि मुद्धा दर्ता

मंसिर १२, २०७५ बुधबार १३:५:५० | गोपाल भण्डारी

कपिलवस्तु – शुद्धोधन गाउँपालिका ४ मोतिभारीका युवा नेता राजाबाबु चौधरीको हत्या आरोपमा ७ जना माथि कर्तव्य ज्यान मुद्धा दर्ता गरिएको छ ।

हत्या भएका युवा नेता चौधरीका परिवारबाट हत्या आरोपमा स्थानीय युवा अजित पाण्डेयसहित ७ जनामाथि किटानी जाहेरी दिएपछि मुद्धा चलेको प्रहरी उपरीक्षक अच्युतम् पुडासैनीले बताउनुभयो ।

हत्याका मुख्य आरोपी अजित पाण्डेय, उनका दुई भाइ र बाबुसहित ७ जना उपर कर्तव्य ज्यान मुद्धा परेको हो । घटनाको बारेमा अनुसन्धानका लागि प्रहरीले २ जनालाई पक्राउ गरेको छ । पक्राउ परेका २ जनालाई जिल्ला अदालतबाट म्याद थप गरी जिल्ला प्रहरी कार्यालयको थुनामा राखिएको छ । हत्याको आरोप लागेका अन्य ५ जनाको भने खोजी भैरहेको प्रहरीले जनाएको छ ।

नेपाल कम्युनिष्ट पार्टीमा केही समय अघि मात्रै प्रवेश गरेका युवा नेता चौधरीको गएको शुक्रबार उनको गोली प्रहार गरी हत्या गरिएको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्