खुल्दैन वडा कार्यालय, वडाध्यक्षकै झोलाबाट सेवा

मंसिर १३, २०७५ बिहीबार ९:२२:९ | सुवास दर्नाल

सोलुखुम्बु – महाकुलुङ गाउँपालिका वडा नं ३ छेस्कामको वडा कार्यालय अधिकांश समय बन्द हुने गर्छ । वडा कार्यालयमा दैनिक कर्मचारी नहुने भएपछि सेवाग्राही पनि वडा कार्यालयमा आउँदैनन् ।

सेवा लिने सेवा ग्राहीले वडाध्यक्षसँग फोन सम्पर्क गर्ने र जहाँ भेटियो त्यही सेवा लिने गरेको स्थानीय रामबहादुर कुलुङले बताउँनुभयो । वडा कार्यालयले कर्मचारी व्यवस्था गरेर कार्यालयबाट सेवा प्रदान गर्ने गरिएको भए पनि महाकुलुङमा कुनै ‘सिस्टम’ नभएको स्थानीय बताउँछन् । वडा कार्यालयको आफ्नै भवन भए पनि वडा कार्यालयको सम्पूर्ण सेवा झोलामार्फत प्रदान गरिनु लज्जास्पद भएको उनीहरुको भनाइ छ ।

वडा अध्यक्ष दिकबहादुर कुलुङले भने कार्यालय समय नभनेर जुनसुकै समयमा पनि सेवा प्रदान गरिरहेको दाबी बताउँनुभयो । वडा सचिवसमेत स्वास्थ्यका कर्मचारी भएकाले आफूले झोला मार्फतनै वडा कार्यालयको सेवा प्रदान गर्ने गरेको बताउनुभयो । कार्यालय खुले पनि नखुले पनि सेवा बन्द नभएको वडा अध्यक्ष कुलुङले जिकिर गर्नुभयो ।

वडाका नागरिकहरु भने वडा कार्यालय भए पनि वडाध्यक्षलाई सम्पर्क गरेर सेवा लिनु पर्दा हैरानी व्यहोर्नु परेको बताउँछन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्