एप्पलको ‘आईफोन १६ ई’ सार्वजनिक

फागुन ९, २०८१ शुक्रबार १०:२१:३८ | एजेन्सी

काठमाण्डौ – एप्पलले ‘आईफोन १६ ई’ सार्वजनिक गरेको छ । कम मूल्यमा राम्रा फिचरयुक्त आईफोन बोक्न चाहने प्रयोगकर्तालाई लक्षित गर्दै आईफोन १६ सिरिज अन्तर्गत नयाँ मोडेल ल्याएको कम्पनीले जनाएको छ ।

फोनको मूल्य ५९९ अमेरिकी डलर अर्थात् ८३ हजार रुपैयाँ हारहारीबाट शुरु हुनेछ । फोन खरिद गर्ने ग्राहकले तीन महिना निःशुल्क एप्पल म्युजिक, एप्पल टीभी प्लस, एप्पल अर्केड, एप्पल न्यूज प्लस, एप्पल फिटनेस प्लस लगायतका सुविधा पाउने कम्पनीले जनाएको छ ।

कम्पनीका अनुसार यो मोडेलमा एप्पलकै पछिल्लो पुस्ताको ए १८ चिप प्रयोग गरिएको छ । यसबाट अरु आईफोन १६ मोडेलजस्तै छिटो र सहज रूपमा फोन चलाउन सकिने कम्पनीको भनाइ छ ।

त्यस्तै कम्पनीको नेक्स्ट जेनेरेसन एआई सिस्टम ‘एप्पल इन्टेलिजेन्स’ पनि यस मोडेलमा पाउन सकिन्छ । यसबाट विभिन्न अत्याधुनिक एआई फिचर प्रयोग गर्न सकिने कम्पनीले उल्लेख गरेको छ ।

यस मोडेलले आईफोन ११ भन्दा ६ घण्टा र अरू पुराना आईफोन एसई मोडलभन्दा १२ घण्टा बढी ब्याट्री टिक्ने कम्पनीको दाबी छ ।

यसमा वायरलेस चार्जिङ र फास्ट चार्ज हुने यूएसबी सी चार्जर पनि छ । यसमा भएको एआई प्रणालीले अक्षरलार्ई छोटकरीमा पढ्न र अनुवाद गर्न सघाउने पनि कम्पनीले जनाएको छ ।

अन्तिम अपडेट: फागुन १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एप्पलको ‘आईफोन १६ ई’ सार्वजनिक

तस्बिर : एजेन्सी

तपाईको प्रतिक्रिया