म्याराडोनाको निधनको ४ वर्षपछि उनको मेडिकल टोलीमाथि मुद्दा चलाइँदै

फागुन २७, २०८१ मंगलबार १८:१९:४० | एजेन्सी

अर्जेन्टिनाका महान् फुटबलर डिएगो म्याराडोनाको निधनको मामिलामा उनको मेडिकल टोलीका ७ जना चिकित्सकविरुद्ध मुद्दा चलाइने भएको छ । चिकित्सकहरूको लापर्बाहीका कारण म्याराडोनाको असमायिक निधन भएको दाबीसहित सात जना चिकित्सकविरुद्ध मुद्दा दायर भएको अन्तर्राष्ट्रिय सञ्चारमाध्यमले जनाएका छन् ।

अर्जेन्टिनाको ब्युनस आयर्समा भोलिदेखि यो मुद्दाको कारबाही अघि बढ्ने भएको छ । दोषी ठहरिएमा सात जना प्रतिवादीहरूलाई ८ देखि २५ वर्षसम्मको जेल सजाय हुन सक्ने खबरमा उल्लेख छ ।

विश्व फुटबलका सर्वकालीन खेलाडीमध्ये एक म्याराडोनाको ६० वर्षको उमेरमा सन् २०२० को नोभेम्बर २५ तारिखमा उपचारका क्रममा निधन भएको थियो । म्याराडोनाको मस्तिष्कमा ‘ब्लड क्लट’ अर्थात् रगत जमेकाले चिकित्सकहरूले शल्यक्रिया गर्नुपर्ने जनाएका थिए । शल्यक्रियाकै क्रममा हृदयाघात भएपछि उनको निधन भएको चिकित्सकहरूले बताएका थिए ।

अन्तिम अपडेट: फागुन २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

म्याराडोनाको निधनको ४ वर्षपछि उनको मेडिकल टोलीमाथि मुद्दा चलाइँदै

तस्वीर : एजेन्सी

तपाईको प्रतिक्रिया