मण्डलामा समलिंगी ‘साथीको कथा’

पुष ४, २०७५ बुधबार १३:५१:४९ | उज्यालो सहकर्मी

काठमाडौं – महिला समलिंगीको विषय उठान गरेको नाटक ‘साथीको कथा’ काठमाडौंमा मञ्चन हुने भएको छ । प्रख्यात भारतीय नाटककार विजय तेन्दुलकरको मराठी नाटक ‘मित्राची गोष्ट’को नेपाली अनुवाद ‘साथीको कथा’ शुक्रबारदेखि काठमाडौंको मण्डला थिएटरमा मञ्चन हुन लागेको हो ।

नाटकमा रेनुका कार्कीको निर्देशन रहेको छ । भारतमा निकै विवादास्पद भएको यो नाटक पहिलोपटक सन् १९८१ मा मञ्चन भएको थियो । यो नाटकलाई समलिंगी सम्बन्धका बारेमा मञ्चन गरिएको पहिलो भारतीय नाटकका रुपमा समेत लिइन्छ ।

सञ्चारकर्मी सागर चन्दले अनुवाद गरेको यो नाटक पहिलो पटक नेपालमा मञ्चन हुन लागेको हो । शुक्रबारदेखि मञ्चन सुरु हुने नाटक पुष २२ गतेसम्म मञ्चन हुने नाटकका नेपाली अनुवादक चन्दले जानकारी दिनुभयो ।

नाटकले त्रिकोणात्मक प्रेम कथामार्फत समलिंगी सम्बन्ध र यसका आयामलाई देखाउने प्रयास गरेको निर्देशक रेनुका कार्कीले बताउनुभयो ।

‘नेपाली समाजले अझै पनि समलिंगी सम्बन्धलाई स्वीकारेको छैन’, निर्देशक कार्कीले भनिन्, ‘लैगिंक पहिचान प्राकृतिक कुरा हो भन्ने बुझाउन यो नाटक सहयोगी बन्ने छ ।’

नाटकमा आयुस प्याकुरेल, सुस्मा निरौला, अनिल सुब्बा, शारदा अधिकारी र सूर्यमान लिम्बूको अभिनय रहेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्