प्रदीप र जसिताको ‘लभ स्टेशन’ चैत १ मा

पुष ४, २०७५ बुधबार १४:३:५६ | उज्यालो सहकर्मी

काठमाडौं – प्रदीप खड्का अभिनित चलचित्र ‘रोज’ असफल भएपछि यतिबेला अभिनेता प्रदीप खड्का चलचित्र ‘लभ स्टेशन’को काममा व्यस्त छन् । यो चलचित्रमा प्रदीप खड्कासँगै गुडिया उपनाम पाउने गरेकी अभिनेत्री जसिता गुरुङको अभिनय रहेको छ ।

चलचित्रमा प्रदीप खड्काको पनि लगानी रहेको बताइएको छ । चलचित्र ‘रोज’ असफल भएपछि निरास बनेका प्रदीपलाई चलचित्र‘लभ स्टेशन’ सफल भए निकै राहत मिल्ने छ । यसैबीच चलचित्र‘लभ स्टेशन’को प्रदर्शन मिति घोषणा गरिएको छ । चैत ६ र ७ गते पर्ने फागु पूर्णिमाको सार्वजनिक बिदालाई मध्यनजर गर्दै चलचित्र चैत १ गतेबाट नेपालभर प्रदर्शनमा आउने तय भएको निर्माता गोविन्द शाहीले बताए ।

यसअघि चलचित्र ‘लिलिबिली’ मा पनि प्रदीप र जसिताको जोडी नै प्रस्तुत भएकाे थियाे । त्यस चलचित्रमा यो जोडीलाई दर्शकले सकारात्मक टिप्पणी गरेका थिए । चलचित्र ‘लिलिबिली’ यतिबेला युट्यूबमा रिलिज भइसकेको छ । युट्यूबमा पनि यो जोडी अभिनित चलचित्रलाई दर्शकले मन पराएका छन् । युट्यूबमा रिलिज भएको ५ दिनमै चलचित्रले झण्डै ३५ लाख भ्यूज पाएको छ । निकै रुचाइएको जोडी प्रदीप र जसिताको चलचित्र ‘लभ स्टेशन’दोस्रो सहकार्य हो । दार्जीलिङ, कालिम्पोङ, खार्साङ, मिरिक, इमाल र काठमाडौंमा चलचित्रको छायांकन गरिएको छ । चलचित्रको निर्देशन निर्देशक उज्जवल घिमिरेले गरेका हुन् ।

चलचित्रमा आलोक शुक्लाको छायांकन, शम्भूजितबाँस्कोटा, दीपक शर्मा, राजनराज शिवाकोटी र एलिश कार्कीको संगीत रहेको छ । सांगीतिक प्रेमकथामा आधारित चलचित्र‘लभ स्टेशन’मा अभिनेता प्रदीप खड्का गायकको भूमिकामा प्रस्तुत भएका छन् । प्रदीप र जसिताको अलावा चलचित्रमा रमेश बुढाथोकी, प्रकाशशाह, रेशु भट्टराई, विनोदकुमार पौड्याल, प्रिया रिजाल, सरु बिष्ट, रवि डंगोललगायतको अभिनय रहेको छ ।

–उज्यालाे र गफगाफ डटकमको सहकार्य

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्