काम ठग्न सेवाग्राही आउँदा ‘औषधी छैन’ भनेर पठाइदिन्छन् कर्मचारी

पुष ११, २०७५ बुधबार १८:१८:८ | शिव ढुंगाना

ओखलढुंगा – सदरमुकामकै स्वास्थ्य संस्थामा स्वास्थ्यकर्मी नबसेपछि सिद्धिचरण नगरपालिकाले ओखलढुंगा स्वास्थ्य चौकीमा अनुगमन गरेको छ ।

अनुगमनका क्रममा सेवाग्राही आउँदा ‘औषधी छैन’ भनेर फर्काइएको, स्वास्थ्यकर्मी आलोपालो गरेर घर र आफ्ना पसलमा बस्ने गरेको पाइएको अनुगमन टोलीका सदस्य नगरपालिकाका प्रमुख प्रशासकीय अधिकृत भोजराज खतिवडाले बताउनुभयो ।

खतिवडाले सबै स्वास्थ्यकर्मीलाई जिम्मेवार भएर सेवा दिन निर्देशन दिएको जानकारी दिनुभयो । नगरपालिकाका उप–प्रमुख इच्छाकुमारी गुरुङको नेतृत्वमा स्वास्थ्य चौकी अनुगमन गरिएको थियो ।

कार्यालय पनि जसोतसो चलाइएको, उपचार सेवा प्रभावकारी नहुँदा बिरामी निजी क्लिनिकमा धाउने गरेको पाइएकाले अनुगमन गरेर सेवा प्रवाह प्रभावकारी बनाउन निर्देशन दिइएको उपप्रमुख गुरुङले सञ्चारकर्मीहरुलाई बताउनुभयो ।

सदरमुकाममा वरिपरी घर भएका स्वास्थ्यकर्मी आलोपालो गरेर कार्यालय आउने, हाजिर गरेर हिँड्ने गरेपछि स्वास्थ्य चौकीमा सेवाग्राही जानै छाडेका छन् ।
निर्देशन पालना नभए कानुनी कारबाहीमा जाने नगरपालिकाले चेतावनी दिएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

काम ठग्न सेवाग्राही आउँदा ‘औषधी छैन’ भनेर पठाइदिन्छन् कर्मचारी

प्रतिकात्मक तस्बिर

तपाईको प्रतिक्रिया