पानीको ड्रममा डुबेर १८ महिने बालिकाको ज्यान गयाे

पुष २२, २०७५ आइतबार १९:२०:३१ | दीपक भट्ट

रामेछाप – रामेछापमा आफ्नै घरको नजिक राखेको ५ सय लिटर क्षमताको पानीको ड्रमभित्र डुब्दा १८ महिने बालिकाको आइतबार घटनास्थलमा नै ज्यान गएको छ ।

मृत्यु हुनेमा रामेछाप नगरपालिका–७, सुकाजोर (देवीथान) बस्दै आएका अर्जुन ढकालकी छोरी १८ महिने लिला ढकाल रहेको प्रहरीले जनाएको छ । ढकालको स्थायी घर छिमेकी जिल्ला ओखलढुङ्गा भए पनि उहाँ केही समयदेखि परिवारसहित आफ्नो ससुराली घरमा रामेछापकाे सुकाजाेरमा बस्दै आउनुभएको थियो ।

घरमा बच्चा छाडेर आमाबाबु दुवै काममा गएको बेला छोरी खेल्दै जाँदा पानी राखेको ड्रमभित्र डुबेपछि बाहिर निस्कन नसक्दा उनको त्यहीँ ज्यान गएको हो ।

बाहिरको काम सकेर घरमा फर्किएका आमा बाबुले छोरीको खोजी गर्दै जाँदा ड्रमभित्र मृत अवस्थामा देखेपछि उनीहरुले गाउँलेहरुलाई खबर गरेका थिए ।

गाउँलेको खबरपछि घटनास्थलमा प्रहरी पुगेर घटनास्थल मुचुल्का तयार गरी शवलाई पोष्टमार्टमको लागि पुरानो सदरमुकाम रामेछापडाँडामा रहेको जिल्ला अस्पतालमा राखिएको जिल्ला प्रहरी कार्यालय रामेछापका प्रहरी निरीक्षक शेख अदालतले जानकारी दिनुभयाे ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्