यी अभिनेतृलाई बुहारी बनाउन चाहन्छिन् सलमान खानकी आमा

पुष २४, २०७५ मंगलबार १५:२९:१७ | उज्यालो सहकर्मी

बलिउडका सुपरस्टार सलमान खान ५३ वर्ष पुगिसके तर उनकाे अहिलेसम्म विवाह भएकाे छैन । उनी बलिउडका मोस्ट इलिजिबल ब्याचलर हुन् । उनले अहिले विवाहको कुनै योजना पनि बनाएका छैनन् होला ।

तर उनकी आमाले भने सलमानकी दुलही रोजिसकेकी छिन् । सलमान खानकी आमा सलमा खान अभिनेतृ कट्रिना केफलाई बुहारी बनाउन चान्छिन् ।

सलमान खानकी आमा र कट्रिना केफबीच निकै सुमधुर सम्बन्ध रहेको बताइँछ । बेला बेलामा कट्रिना र सलमानकी आमाको एक साथ खिचिएका तस्बिरहरु पनि सार्वजनिक हुने गर्छन ।

केही समयअघि सलमान खानसँगको फिल्म ‘भारत’ को छायांकनका क्रममा एउटा तस्बिर सार्वजनिक भएको थियो जसमा कट्रिना र सलमानकी आमा एकअर्कालाई अंगालो हालेको देख्न सकिन्छ । यसबाट पनि कट्रिना र सलमानकी आमाबीचको सम्बन्ध धेरै राम्रो रहेको प्रष्ट हुन्छ ।

बेलाबेलामा सलमान खानको विवाहको विषयलाई लिएर चर्चा हुने गर्छ । सलमानका फ्यानहरुसमेत उनको विवाहको खबर सुन्न आतुर छन् । तर सलमान खान आफै भने विवाहका विषयमा कहिले पनि प्रष्ट जवाफ दिदैनन् ।

मिडिया तथा पत्रकारले सलमानलाई विवाहको प्रश्न गर्दा सलमानले जहिले पनि उक्त प्रश्नलाई घुमाउरो तरिकाले जवाफ दिँदै पन्छिन खोज्छन् ।

सलमान खानको नाम संगिता बिज्लानी, ऐश्वर्या रायलगायत कैयौं अभिनेत्रीहरुसँ जोडिइसकेको छ । केही वर्षअघि सलमान र कट्रिनाबीचको प्रेम सम्बन्धको पनि निकै चर्चा भयो । तर बीचमा कट्रिनाले सलमानलाई छोडेर रणबिर कपूरलाई रोजिन् ।

अहिले फेरि कट्रिना रणबिरसँग ब्रेकअप गरेर सलमानकहाँ नै फर्किएकी छिन् । यता कट्रिनासँगको ब्रेकअपपछि सलमान खान यूलिया भन्तुरलाई डेट गरिरहेका थिए ।

अहिले फेरि सलमान खान कट्रिना केफसँग नजिक भएका खबरहरु सार्वजनिक भइरहेका छन् । तर सलमान खानले भने यस विषयमा कुनै पनि प्रतिक्रिया दिएका छैनन् ।

सलमान खान र अभिनेत्री कट्रिना केफलाई फिल्म ‘भारत’ मा एकसाथ देख्न सकिनेछ । अलि अब्बास जफर निर्देशित यो फिल्म २०१९ को जुन ५ मा रिलिज हुनेछ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्