केराबारी गाउँपालिकाका वडा अध्यक्ष पक्राउ गर्न प्रहरीले जारी गर्‍याे पूर्जी

पुष २८, २०७५ शनिबार १९:१५:३४ | सुमन तिमल्सिना

मोरङ – खोला तथा नदीजन्य प्राकृतिक सम्पदाको अवैध उत्खनन् गरेको आरोपमा मोरङको केराबारी गाउँपालिका वडा नम्बर ५ का अध्यक्षलाई पक्राउ पूर्जी जारी गरिएको छ ।

मोरङको चिसाङ खोलाबाट अवैध उत्खखन् गरेको आरोपमा वडाध्यक्ष चरणसिंह गुरुङलाई पक्राउ गर्न जिल्ला प्रहरी कार्यालय मोरङले पक्राउ पूर्जी जारी गरेको हो । ढुंगा तथा बालुवाको निकासी गर्ने क्रममा टिप्पर तथा ट्याक्टरसँग अवैध रुपमा रकम उठाएको आरोप उनीमाथि लगाइएको छ ।

वडाध्यक्ष गुरुङलाई बेलबारी र कानेपाखरीबीचमा पर्ने चिसाङ खोलाबाट ढुङ्गा, बालुवा निकासीमा चन्दा रकम उठाएको आरोप लागेकोले पक्राउ गर्न भनिएको मोरङ प्रहरीका एसपी मनोज केसीले बताउनुभयो ।

मोरङको केराबारी गाउँपालिकामा विभिन्न समयमा नदीजन्य बस्तुको उत्खनन् तथा ओसार पसारमा वडा अध्यक्षहरु मुछिँदै आएका छन् । वडा अध्यक्ष आफैँ क्रसर व्यवसायी हुँदा अवैध उत्खनन् रोक्न समस्या हुँदै आएको प्रहरीले जनाएको छ ।

क्रसर व्यवसायीका रुपमा काम गर्दै आएका गुरुङले रकम असुल गर्न सहयोग गरेको प्रहरीले जनाएको छ । केहीदिन अघि सोही स्थानमा रकम असुल गर्ने क्रममा रोशन दनुवार, जित चौधरी पक्राउ परेका थिए ।

अहिले दनुवार र चौधरी दुवैलाई पक्राउ गरी चन्दा ऐन अन्तर्गत मुद्धा दायर गरिएको एसपी केसीले जानकारी दिनुभयो । प्रहरीका अनुसार कानेपोखरी–५ का चिसाङ नदी कटान क्षेत्र पूर्वाधार पीडित गाउँ उपभोक्ता समितिको नामबाट नम्बरी जग्गा संरक्षण तथा विकास निर्माणको सहयोगका लागि रसिद बनाएर ट्याक्टर र टिपरबाट अवैध रकम असुल गर्न गुरुङले पत्र दिएको खुलासा भएपछि उनीमाथि पक्राउको लागि पत्र काटिएको हो ।

प्रहरीले अनुसन्धान गर्ने क्रममा वडा अध्यक्ष गुरुङले रकम असुल्न माइन्यूट नै गराएको फेला परेपछि उनलाई पक्राउ पूर्जी जारी गरिएको एसपी केसीले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्