पूर्वाञ्चल विश्वविद्यालयमा भाँडभैलो : प्राध्यापक र कर्मचारीले लगाए ताला

पुष २९, २०७५ आइतबार २०:९:४८ | सुमन तिमल्सिना

मोरङ – पूर्वाञ्चल विश्वविद्यालयकाे रजिष्ट्रार र उपकुलपतिको कार्यालयमा तालाबन्दी गरिएको छ ।

प्रगतिशील प्रजातान्त्रिक प्राध्यापक संघले नाममा विश्वविद्यालयका रजिष्टार र उपकुलपतिको कार्यालयमा तालाबन्दी गरेको हो भने कर्मचारीले प्रशासन शाखा र लेखा शाखामा ताला लगाएका हुन् ।

पूर्वाञ्चल विश्वविद्यालय समन्वय महाशाखाका राजेशकुमार झालाई सह रजिष्ट्रारमा नियुक्त गर्न लागेपछि विश्वविद्यालयभित्र भाँडभैलो शुरु भएको हो । विद्यार्थीको भविष्यसँग जोडिएको विश्वविद्यालय आफैँ विवादमा फसेको छ ।

विश्वविद्यालय २५ वर्ष पूरा गरिसकेको अवस्थामा अहिलेसम्म महाशाखा गठन नभएको कर्मचारीको आरोप छ । पटक–पटक यसबारेमा उपकुलपतिलाई जानकारी गराउँदासमेत बेवास्ता गरिएको, कर्मचारीको सरुवा मनोमानी ढंगले गरिएको कर्मचारीकाे गुनासाे छ।

‘कर्मचारी सरुवा गर्दा कार्यविधि र मापदण्ड नबनाई मनपरी भएको छ’, एक कर्मचारीले भने, ‘मापदण्ड बनाउने समितिले प्रतिवेदन बनाएको हो तर त्यो मापदण्डभित्र कुनै कर्मचारीको सरुवा गरिएन । आफ्ना कुरा राख्न जाँदा हप्की-दप्की गरेर पठाउन थालियो ।’

कर्मचारी सरुवा गर्दा कार्यकारी परिषद्को निर्णयका आधारमा मापदण्ड बनाउने समितिले निर्दिष्ट गरेका आधारमा सरुवा गर्दा आफूहरुको कुनै आपत्ति नहुने कर्मचारीको भनाइ छ ।

आफ्नालाई च्यापेर अरुलाई सरुवा गरेको भन्दै अधिकांश कर्मचारी उपकुलपति घनश्यामलाल दाससँग रुष्ट भएका छन् । विश्वविद्यालयमा नीतिगत निर्णय गर्ने ठाउँमा कर्मचारीको उपस्थिति हुनुपर्नेसमेत कर्मचारीले माग गरेका छन् ।

तर प्राध्यापकले भने नियुक्त भएका कर्मचारीलाई हटाउनु पर्ने माग अघि सारेका छन् । विश्वविद्यायका प्राध्यापक बोधहरी आचार्यले विश्वविद्यालयमा हुने माथिल्लो नियुक्ति मनपरी तरिकाले भएको बताउनुभयो ।

पहिला भएको सम्झौता अनुसार स्थायी प्राध्यापकबाट हुनु पर्ने नियुक्ति नियमविपरीत गएर राजेशकुमार झालाई नियुक्त गरिएको भन्दै प्राध्यापक आक्रोशित भएका हुन् ।

पहिला नियुक्त भएका दुईजना भित्रको मान्छे परेकाले चुप बसेका प्राध्यापकहरु समन्वय महाशाखा प्रमुख राजेशकुमार झालाई सह–रजिष्ट्रारमा लगिएपछि आन्दोलनमा उत्रनुपरेको अर्का प्राध्यापकले बताउनुभयो ।

‘यसअघि सह–डिनमा गोपाल शर्मा, शिक्षा तथा कला संकायको डेपुटी डिनमा कोमल गौतमलाई नियुक्त गरिएको थियो’, एक प्रध्यापकले भन्नुभयो, ‘नियुक्त भएका डिनहरु भित्रैका थिए तर अहिले समन्वय महाशाखामा प्रमुख रहेका राजेशकुमार झाको पदावधि रहँदा रहँदै अहिले नै अर्को पद सह–रजिष्ट्रारमा लगेर नियुक्त गरिएकोले विरोध गर्नु परेको हो ।’

यसरी नियुक्त भएको भनिएका झा उपकुलपति घनश्यामलाल दासका दाहिने हात मानिन्छन् । उनको पदावधि चैतसम्म रहेको श्रोतले बताएको छ । यसबारे विश्वविद्यालयका उपकुलपति दाससँग सम्पर्क हुन सकेन ।

पटक–पटक विवादमा आएका दाससँग पछिल्लो समय प्राध्यापक तथा कर्मचारी सबै रुष्ट भएको श्रोतको दावी छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्