अमिताभ बच्चनकी छोरी श्वेताले गरिन् ‘टीनएज’मा सलमान खानसँग प्रेममा परेकाे खुलासा

माघ ८, २०७५ मंगलबार १५:२४:३३ | उज्यालो सहकर्मी

हालै अभिनेता अमिताभ बच्चनका छोरा अभिषेक बच्चन र उनकी दिदी श्वेता बच्चन नन्दा करण जोहरको चर्चित विवादित शो ‘कफी विद करण’ मा सहभागी भएका थिए ।

त्यस शोमा श्वेताले कुनै समयमा आफू अभिनेता सलमान खानको प्रेममा रहेको कुराको खुलासा गरेकी छिन् ।

अभिनेत्री ऐश्वर्या राय विवाह गर्नुअघि सलमान खानसँगको प्रेम सम्बन्धमा थिइन् । तर पछि उनले सलमानसँग ब्रेकअप गरेर अभिषेक बच्चनसँग विवाह गरिन् । यो कुरा कसैबाट लुकेको छैन ।

तर अहिले अभिषेक बच्चनकी दिदीले समेत एक समयमा सलमानलाई प्रेम गर्ने गरेको खुलासा भएको छ ।

श्वेताले आफू टीनएजमा हुँदा सलमान खान उनको क्रस रहेको बताएकी छिन् । उनले सलमान खानको फिल्म ‘मैने प्यार किया’ हेरेको र त्यस फिल्मको पूरै अडियो रेकर्ड गरेर हरेक दिन सुन्ने गरेको बताएकी छिन् ।

उनका भाइ अभिषेकले पनि श्वेताका लागि सलमान खानले फिल्म ‘मैने प्यार किया’ मा लगाएको जस्तै क्याप किनेर ल्याइदिएको कुरा पनि बताएकी छिन् ।
श्वेताले त्यस समयमा आफुूलमानलाई मन पराउन थालेको र सलमानको यादमा त्यो क्यापलाई सँगै राखेर सुत्ने गरेको पनि बताएकी छिन् ।

करण जोहरको शो ‘कफि विद करण’ जति चर्चित छ त्यो भन्दा पनि बढी बिवादित छ । करण जोहरको शोमा सेलिब्रेटीहरु आएर बोलेका कुराहरुले धेरै विवादहरु सिर्जना गरिसकेका छन् ।

यसअघि पनि कैयौं सेलिब्रेटीले दिएको बयानका कारण विवादको सामना गरिसकेका छन् । अहिले श्वेताले दिएको यो बयानले कुन रुप लिनेछ त्यो भविष्यमै थाहा हुनेछ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्