मकवानपुरका दुई छुट्टाछुट्टै स्थानमा चट्याङ लागेर १० जना घाइते

माघ १२, २०७५ शनिबार १५:१५:४४ | हरि हुमागाईं

मकवानपुर - मकवानपुरका दुई छुट्टाछुट्टै स्थानमा चट्याङ लागेर १० जना घाइते भएका छन् ।

मकवानपुरको भीमफेदी गाउँपालिका-९, भदौरेमा शनिबार बिहान चट्याङ लागेर ५ जना घाइते भएका छन् । चट्याङ लागेर एक बालकसहित ५ जना घाइते भएका हुन् । घाइते हुनेमा १२ वर्षीय सफल उप्रेती, ५० वर्षीया पार्वती पराजुली, ६० वर्षीय आनन्दराम पराजुली, ३० वर्षीया सुनिता प्रजा र ४० वर्षीय कृष्णबहादुर प्रजा रहेका छन् ।

घाइतेमध्ये कृष्णबहादुर प्रजाको हेटौँडा अस्पतालमा र अरुको भरतपुरमा उपचार भइरहेको जिल्ला प्रहरी कार्यालय मकवानपुरले जनाएको छ ।

यसैगरी पश्चिमी मकवानपुरको राक्सिराङ गाउँपालिकामा चट्याङका कारण शुक्रबार साँझ ५ जना घाइते भएका छन् । शुक्रबार साँझ परेको चट्याङका कारण राक्सिराङ गाउँपालिका-१, भूमिथुमका ५ जना घाइते भएका हुन् ।

घाइते हुनेमा स्थानीय सन्तली थिङ, बीरबहादुर बल, बसन्त बल, ठूलीमाया र १ बर्षका बालक रहेको जिल्ला प्रहरी कार्यालय मकवानपुरका प्रहरी नायव उपरीक्षक यज्ञप्रसाद भट्टराईले बताउनुभयाे ।

१५ जनालाई चट्याङ लागेपनि अरुको अवस्था सामान्य रहेको छ । त्यसैगरी चट्याङबाट ३ घरमा क्षति पुगेको छ भने ५ पशुचौपाया मरेका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्