विद्यालयमै स्यानिटरी प्याडकाे व्यवस्था: अबदेखि महिनावारी हुँदा घर फर्कनु पर्दैन

माघ १५, २०७५ मंगलबार १८:४०:५४ | हरि हुमागाईं

मकवानपुर - विद्यालय पढ्न आएर महिनावारी हुनेबित्तिकै घर फर्कनुपर्ने बाध्यता भोग्दै आएका हेटौंडाका ५० वटा सरकारी विद्यालयका छात्राहरुको समस्या अब हटेको छ ।

हेटौंडा उपमहानगरपालिकाले यस क्षेत्रका कक्षा ६ देखि १२ सम्म अध्ययनरत छात्राहरुका लागि स्यानिटरी प्याड वितरण गरेपछि घर फर्कनुपर्ने वषौैदेखिको बाध्यता हटेको हो ।

नगरका आधारभूत तथा माध्यमिक तहका सामुदायिक विद्यालयमा अध्ययनरत छात्राहरुलाई महिनावारी भएको समयमा विद्यालय छोडेर घर बस्नुपर्ने बाध्यता, विद्यालय आए पनि घर फर्कनुपर्ने समस्या अब हुन नदिने हेटौंडा उपमहानगरपालिकाका मेयर हरिबहादुर महतले बताउनुभयो ।

पहिलो चरणमा यहाँका सामुदायिक विद्यालयमा ५ हजार ५ सय ५६ वटा प्याड वितरण गरिसकेको मेयर महतले बताउनुभयो । नगरका ८१ वटा सामुदायिक विद्यालय मध्ये प्राथमिक तहबाहेक १२ कक्षासम्मका छात्राहरुलाई महिनावारीको समयमा हुने समस्या हटाउनका प्याड वितरण गरिएको हो ।

चालु आर्थिक वर्षको असार महिनासम्मका लागि प्रत्येक छात्रालाई पुग्नेगरी अब थप ६ हजार ५ सय ५० पाकेट सेनेटरी प्याड वितरण गरिने उपमहानगरपालिका शिक्षा महाशाखाका प्रमुख उपसचिव लिला गौतमले बताउनुभयो । प्याड फेर्न समस्या भएका विद्यालयमा यस्ता कोठाहरु पनि बनाउने तयारी उपमहानगरपालिकाको छ ।

हेटौंडा नगरक्षेत्रका सबै श्रोतकेन्द्रहरुमा प्याड लैजानका लागि पत्राचार भइसकेको र लैजाने क्रममा पनि रहेको मेयर महतले बताउनुभयो । यसभन्दा अगाडि महिनावारी हुनेबित्तिकै छात्राहरु लाजका कारण विद्यालयका शिक्षकलाई सोधेर घर जाने भए पनि अहिले भने त्यो समस्या हटेको विद्यालयका शिक्षकहरु बताउँछन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्