रमितले गरे नयाँ चलचित्रमा सम्झौता

माघ १६, २०७५ बुधबार १७:१२:४ | उज्यालो सहकर्मी

अभिनेता रमित ढुंगाना पछिल्लो समय चलचित्र क्षेत्रबाट टाढा थिए । उनी आफैले निर्माण गरेको चलचित्र बुद्ध बर्न इन नेपाल पछि अभिनयमा फर्किएका थिएनन् ।

तर करिब २ वर्षको अन्तरालपछि रमित पुन चलचित्रमा फर्किएका छन् । उनले हालसालै एक चलचित्रमा लिखित सम्झौता समेत गरिसकेको बताइएको छ ।
उक्त चलचित्रलाई बिचल किराँतीले निर्देशन गर्न लागेको बताइएको छ । चलचित्रको नाम भने फाइनल भइनसकेको बुझिएको छ । एक औपचारिक कार्यक्रमको आयोजना गरेर चलचित्रको नाम तथा अन्यकलाकारहरुबारे जानकारी गराउने तयारी निर्माण युनिटले गरेको छ ।

उक्त चलचित्रबाट अभिनेता रमित ढुंगानाले १८ लाख रुपैयाँ पारिश्रमिक बुझेको बताइएको छ । सरु राईले निर्माण गर्न लागेको चलचित्रको छायांकन चैत पहिलो साताबाट सुरु हुने बुझिएको छ ।

चलचित्र कमेडी र एक्सन दुवै विधाको मिश्रणका रुपमा आउने बताइएको छ ।

यो चलचित्र ‘किराँती इन्टरटेनमेन्ट’ को ब्यानरमा निर्माण हुन लागेको हो । ‘म आफ्नै ब्यानरमा चलचित्र निर्माणको तयारी गरिरहेको थिएँ । निर्माण टिमले मलाई अफर गर्नुभयो । चलचित्रको कथा मन पर्यो र अफ्नो होम प्रोडक्सनलाई केहि पछि सारेर यस चलचित्रमा लागेको हूँ,’अभिनेता रमितले भने ।

यो चलचित्र पछि भने पुन आफ्नै चलचित्र निर्माणमा लाग्ने रमितको योजना छ । यसपछि उनी ‘पृथ्वीनारायण शाह’ नामक चलचित्र निर्माण गर्ने तयारीमा छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्