मदनकृष्णले धुर्मुस-सुन्तलीलाई भने: एक पैसा पनि तलमाथि नगर्नू, सबै कलाकारकाे नाक जाेगाउनू

माघ १६, २०७५ बुधबार २०:५८:२३ | उज्यालो सहकर्मी

काठमाण्डाै - वरिष्ठ हास्य कलाकार मदनकृष्ण श्रेष्ठले धुर्मुस-सुन्तलीलाई सार्वजनिक काम गर्दा एक पैसा पनि तलमाथि नगर्न सुझाव दिनुभएकाे‍ छ ।

श्रेष्ठले बुधबार राष्ट्रिय सभागृहमा हास्य कलाकार जोडी सिताराम कट्टेल र कुञ्जना घिमिरेको फाउन्डेसनले चितवनमा बनाउने गाैतम बुद्ध अन्तरराष्ट्रिय क्रिकेट रंगशालाकाे पचारिक कार्यक्रममा बाेल्दै यस्ताे सुझाव दिनुभएकाे हाे ।

उहाँले काम गर्दा कद अनुसारकाे मर्यादा जाेगाउनुपर्ने र यसाे गर्न नसके अहिलेसम्म गरेका सबै राम्रा काम पनि ओझेलमा पर्ने बताउनुभयाे ।

उहाँले भन्नुभयाे, ‘अब तिमीहरुकाे उचाइ धेरै माथि पुगिसकेकाे छ, पैसा तलमाथि हुनु भनेकाे उचाइबाट खस्नु हाे, सानाे उचाइबाट खस्दा केही हुँदैन, धेरं उचाइबाट खस्याे भने त टाउकाे साउकाे फुट्छ’, श्रेष्ठले यसरी ठट्याैली पारामा गहिकलाे सुझाव दिँदै गर्दा दर्शकदीर्घामा तालीकाे गड्गडाहटसहित हाँसाेसमेत गुञ्जिएकाे थियाे ।

अगाडि बाेल्दै वरिष्ठ कलाकार श्रेष्ठले धुर्मुस-सुन्तलीले गरेकाे सानाे गलत कामबाट आफूलगायत सम्पूर्ण कलाकारहरुकाे नाक काटिने भएकाले आफूहरुङ्काे नाक जाेगिने गरी काम गरेर देखाउन पनि सुझाव दिनुभयाे ।

उहाँले धुर्मुस-सुन्तलीले अहिलेसम्म गरेका सामाजिक कामकाे प्रशंसा गर्दै आउँदा दिनहरुकाे लागि शुभकामना पनि व्यक्त गर्नुभएकाे थियाे ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्