अनन्या पाण्डेसँगको प्रेम सम्बन्धका बारेमा पहिलो पटक बोले कार्तिक आर्यन

माघ १७, २०७५ बिहीबार १०:२:२२ | एजेन्सी

बलिउड फिल्म उद्योगका नयाँ कलाकारहरुले डेब्यू गरेसँगै उनीहरुको प्रेम सम्बन्धको चर्चा पनि सुरु हुने गर्छ । यही कुरा बलिउड अभिनेत्री अनन्या पाण्डे र कार्तिक आर्यनसँग पनि भयो । अहिले बलिउड फिल्म उद्योगमा कार्तिक आर्यन र अनन्या पाण्डेबीच प्रेम सम्बन्धरहेको खबरहरु चर्चामा छन् । तर अभिनेता कार्तिक आर्यन स्वयमले भने आफ्नाबारेमा आएका यस किसिमका खबरहरु केबल अफवाह मात्रै रहेको बताएका छन् ।

केही समय अघि कार्तिक आर्यन फिल्म ‘स्टुडेण्ट अफ द इयर २’ मार्फत बलिउड डेब्यू गर्न लागेकी अभिनेत्री अनन्या पाण्डेलाई कुनै रेष्टुरेन्टमा भेटघाट गरेका तस्विरहरु भारतीय मडिया तथा सामाजिक संजालमा चर्चामा थिए ।

त्यसपछि तिनै अनन्याका साथ कार्तिक उनको अब आउने फिल्म ‘पति पत्नी और वो’ मा अनुबन्धित भएको खबर सार्वजनिक भयो । यसको केही दिन पछि फेरी कार्तिक र अनन्या आउटिङमा गएका थिए । अहिले अभिनेता कार्तिक आर्यनले आफ्नो लभलाइफका बारेमा एक भारतिय फिल्मी वेब पोर्टलका साथ गरेको कुराकानी गरेका छन् ।

कार्तिकले भनेका छन् ‘कुनै पनि सम्बन्धलाई दीगो बनाउनका लागि धेरै समयको आवश्यकता पर्दछ । सम्बन्धमा भइसकेपछि आफ्नो पार्टनरलाई समय दिन सक्नुपर्छ । अहिले म कुनै पनि सम्बन्धमा डुब्न चाहन्नँ । अहिले म आफ्नो काम प्रति नै केन्द्रित हुन चाहन्छु ।’

कार्तिकले अनन्या पाण्डेसँग बाहिर आउटिङ्गमा गएको कुरालाई प्रष्ट्याउँदै भने ‘म प्रोड्यूसरका साथ पनि बाहिर निस्कन्छु र अभिनेत्रीहरुका साथ पनि तर खबरहरु केबल अभिनेत्रीहरुसँग घुम्न गएपछि मात्रै बनाइन्छ । जुन कुरा म बुझ्न सक्दिनँ ।’

फिल्म ‘सोनु कि टिटु की स्वीटी’ सुपरहिट भएसँगै कार्तिक आर्यनलाई यतिबेला बलिउडका उदाउँदा स्टार अभिनेताको रुपमा हेरिन्छ । कार्तिक यतिबेला बलिउडका निर्देशक, निर्माताहरुको पहिलो रोजाई मात्रै नभइ नयाँपुस्ताका अभिनेत्रीहरुका लागि पनि हट चकलेटी अभिनेताको रुपमा चर्चित छन् ।

सुपरहिट फिल्म ‘सिम्बा’ की अभिनेत्र सारा अली खानले त झनै कार्तिकसँग डेटमा जान चाहेको कुरा उनका अभिकांश अन्तरवार्तामा भन्दै आइरहेकी छिन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्