पंगेनीले भावुक बनाए, नवीन र सम्झनाले छमछमी नचाए

माघ २०, २०७५ आइतबार ११:११:२९ | श्यामशितल परियार

लमजुङ– लोक दोहोरी गायक बद्री पंगेनी, नवीन पौडेल र सम्झना भण्डारी शनिबार प्रथम भोटेओडार महोत्सवमा आउने थाहा पाएपछि बिहानैदेखि महोत्सवस्थलमा दर्शकको भीड लागेको थियो । गायक/गायिकाको प्रस्तुती हेर्न लमजुङेहरु आतुर थिए ।

दिउँसो सवा ३ बजे जब लोकदोहोरी गायक नवीन पौडेल स्टेज चढी ‘के सम्झनु छ र ......’ बोलको गीत गाए । एकाएक महोत्सवको माहोेल तात्यो । गायक पौडेलले गाउँदै, नाच्दै, दर्शकलाई पनि सँगै छमछमी नचाए ।

साथमा उनले ‘मन परेरै हो....,’ ‘बुलाकी लाउँदिनौँ, झुम्काना लाउँदिनौँ......,’ ‘के सम्झनु छ र......,’ ‘सुदूरपश्चिम घर मेरो.....,’ ‘फुलेको तोरीलाई......,’‘श्रीनगर बतासै डाँडैमा.....’ लगायतका आफ्ना गीतहरु प्रस्तुत गरे ।

यसैगरी, महोत्सवमा गायिका सम्झना भण्डारीले पनि दर्शक दीर्घामा पुगी गीत गाउँदै दर्शकलाई छमछमी नचाइन् । गायिका भण्डारीले ‘भीरैको घाँस....,’ ‘छिनछिन बज्ने चुरा.....,’‘कैहिले हो त सानु....,’‘मेरो माया बसेको ठाउँमा......,’लगायतका गीतहरु गाएकी थिइन् ।

गीत, नाचमा झुमेको माहोल एकाएक भावुक बन्यो । जब साँझ ५ बजे लोक दोहोरी गायक बद्री पंगेनी स्टेज चढी परदेशी छोेराको वेदना समेटिएको ‘आमा बिदा पाउँदिन....,’ बोलको गीत गाए ।

उनको यो गीत सुनेर विशेषगरी वृद्ध बाआमा भावुक बनेका थिए । आफ्नो गीतबाट भावुक बनेका दर्शकलाई गायक पंगेनीले पनि फेरि छमछमी नचाए । ‘रातो अनि तातो पछ्यौरी...,’ ‘दाइको ससुरालीमा....,’ लगायतका आफ्ना चर्चित गीत गाएर उनले दर्शकहरुलाई छमछमी नचाएका थिए ।

महोत्सवकै अवसरमा गायक प्रकाश न्यौपाने, स्थानीय कलाकार जुना परियार, पासाङ गुरुङ, युगेश परियारलगायतले पनि गीत गाएका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्