‘आयो भैरव’ बनाउँदै निखिल उप्रेती, दक्षिण भारतबाट निर्देशन सहयाेगी मगाउने तयारी

माघ २२, २०७५ मंगलबार १७:४४:३ | उज्यालो सहकर्मी

एक समयका चर्चित एक्शन अभिनेता निखिल उप्रेती यतिबेला चलचित्र निर्माण गरिरहेका छन् ।

उनी बाहिरी ब्यानरका चलचित्रहरुमा नदेखिएको लामै समय भयो । तर पनि चलचित्रको पर्दाबाट हराएका भने छैनन् । उनले निर्माण गरेका पछिल्ला चलचित्रहरुलाई दर्शकले अपेक्षाकृत साथ भने दिएका छैनन् ।

रुद्र, पिंजडा ब्याक अगेन, भिलेनलगायतका चलचित्रहरुमा उनको अभिनय छ, तर उक्तहरुलाई दर्शकले अपेक्षाकृत साथ दिन सकेनन् । अभिनेत्री सञ्चिता लुइँटेलसँग दोस्रो विवाह गरेपछि उनी करिब ५ वर्ष चलचित्र क्षेत्रबाट हराएका थिए ।

लगातार चलचित्रबाट पाएको असफलतालाई बिर्सिएर उनी फेरि चलचित्र निर्माणमा लाग्ने भएका छन् । उनी चलचित्र ‘भैरव’को सिक्वेल निर्माण गर्ने तयारीमा रहेको बताइएको छ ।

सुरुवातमा त्यस चलचित्रको नाम ‘भैरव २’ राख्ने बताइएको थियो तर अहिले परिवर्तन भएर ‘आयो भैरव’हुने भएको छ ।

चलचित्र ‘आयो भैरव’का लागि निखिल आफैले कथा लेखिरहेको बताइएको छ । चलचित्रको निर्माण तथा निर्देशन पनि निखिल स्वयंको रहने बताइएको छ । तर उनलाई निर्देशनमा सहयोग गर्नका निम्ति दक्षिण भारतीय चलचित्र क्षेत्रबाट एकजना निर्देशक झिकाउन लागेको बताइएको छ ।

चलचित्रमा रहने कलाकारहरु पक्का भइनसकेको बताइएको छ । चलचित्रको कथा लेखनको काम सकिएपछि कथा अनुसारको पात्र छनोट गर्ने निखिलको तयारी छ ।
तर एउटा मुख्य भूमिकामा भने निखिल आफै देखिनेछन् । उनले चलचित्रको अर्को मुख्य कलाकारमा आफ्नै श्रीमती सन्चिता पनि हुनसक्ने बताएका छन् ।
‘यदि चलचित्रको कथाले सन्चितालाई माग्छ भने त्यो असम्भव छैन । हामीले राम्रो चलचित्र निर्माण गर्ने हो र त्यसका निम्ति कथा अनुसारको पात्रले महत्वपूर्ण भुमिका खेल्छ,’ निखिलले भने ।

चलचित्र‘आयो भैरव’मा राजधानीमा हुने आपराधिक घटना देखाउन लागिएको बताइएको छ ।

– उज्यालो र गफगाफ डटकमको सहकार्य

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्