आफ्नै ठाउँबाट पुनः श्रम स्वीकृति पाउँदा सेवाग्राही खुशी

माघ २३, २०७५ बुधबार १२:९:५८ | सुमन तिमल्सिना

विराटनगर – विराटनगरबाटै श्रम स्वीकृती पाएपछि सेवाग्राही खुशी भएका छन् । धनकुटाको चौबिसे गाउँपालिका–५ बोधेका विजय खड्कालाई पहिलो श्रम स्वीकृत प्रदान गर्दै विराटनगरबाट श्रम स्वीकृती दिन थालिएको हो ।

एक नम्बर प्रदेशका सामाजिक विकास मन्त्री जीवन घिमिरेले विजयलाई कतारको लागि पुन : श्रम स्वीकृत प्रदान गर्नुभएको हो । तीन महिनाको विदामा घर आउनुभएका विजयले विराटनगरबाटै श्रम स्वीकृती पाएपछि खुशी लागेको बताउनुभयो ।

‘पहिलो पटक आफ्नै गाउँबाट श्रम स्वीकृती पाउँदा खुसी लागेको छ, काठमाण्डौमा ३ दिनसम्म धाउनु पर्ने बाध्यता सकियो,’ उहाँले भन्नुभयो ।

काठमाण्डौ गएर श्रम स्वीकृत लिन निक्कै समय लाग्ने र झण्झटिलो हुँदा धेरै खर्च लाग्ने भन्दै उहाँले आफ्नै ठाउँबाट श्रम स्वीकृति लिन पाउँदा खर्च र समयको बचत भएको बताउनुभयो ।

उहाँ जस्ता धेरै श्रम स्वीकृतिको लागि विराटनगरमा रहेको श्रम कार्यालयमा आउन थालेका छन् । पहिलो चरणमा नै श्रम स्वकृती प्रदान गर्ने भनिएको विराटनगर श्रम कार्यालयमा विभिन्न कारण देखाउँदै मन्त्रालयले पोखरा र बुटवलबाट मात्र पहिलो चरणमा श्रम स्वीकृती दिन थालेको थियो ।

कार्यालयबाट प्रारम्भिक चरणमा पुनः श्रम स्वीकृति प्रदान गर्ने, वैदेशिक रोजगारीसम्बन्धी इजाजत पाएका संस्था र तालीम एवं अभिमुखीकरण संस्थाको अनुगमन तथा नियमन गरिनेछ ।

सरोकारवालाबीच वैदेशिक रोजगारीको सूचना तथा जानकारी सम्प्रेषण गर्ने एवं गुनासो सुनुवाइ गरी सेवा प्रवाहलाई सहजीकरण गर्नेलगायत कार्य कार्यालयबाटै सम्पादन हुने श्रम, रोजगार तथा सामाजिक सुरक्षा मन्त्रालयले जनाएको छ ।

कार्यक्रममा बोल्दै एक नम्बर प्रदेशका सामाजिक विकास मन्त्री जीवन घिमिरेले अहिले वैदेशिक रोजगारीमा जानेका लागि प्रदेशबाट आफ्नै ठाउँ र क्षेत्रबाट श्रम स्वीकृती दिन थाल्नु सकारात्मक भएपनि वैदेशिक रोजगारीमा जाने क्रमलाई रोकेर देशमै रोजगारीको अवसर सिर्जना गर्न तर्फ लाग्नु पर्नेमा जोड दिनुपर्ने बताउनुभयो ।

उहाँले एक नम्बर प्रदेशले युवा लक्षित कार्यक्रमअन्तर्गत ९ हजार युवालाई रोजगारमूलक तालिम दिने तयारी गरेको पनि जानकारी दिनुभयो ।

मोरङका प्रमुख जिल्ला अधिकारी रमेश केसीले लामो समयदेखि काठमाण्डौबाट मात्रै दिइँदै आएको श्रम स्वीकृती विराटनगरबाट पनि सुरु हुँदा सेवाग्राहीलाई सजिलो हुने अपेक्षा राखेको बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्