डीपीएल तेस्रो संस्करणको ट्रफी सार्वजनिक, वर्षाले उद्घाटन खेल नै प्रभावित हुन सक्ने

माघ २५, २०७५ शुक्रबार १५:४९:३९ | निर्मला खडायत

कैलाली – धनगढी प्रिमियर लिगको तेस्रो संस्करण रुस्लान डीपीएल–३ को ट्रफी सार्वजनिक गरिएको छ । शनिबारदेखि सुरु हुने धनगढी प्रिमियर लिग तेस्रो संस्करणको ट्रफी शुक्रबार सार्वजनिक गरिएको हो ।

शुक्रबार धनगढीमा एक कार्यक्रमका बीच लिग आयोजक धनगढी क्रिकेट एकेडेमीका अध्यक्ष सुवास शाही र डीपीएलका सद्भावना दूत जोन्टी रोड्सले संयुक्त रुपमा ट्रफी सार्वजनिक गर्नुभयो ।

यस वर्ष पनि गएको वर्षसँगै विजेता टोलीलाई आकर्षक ट्रफी र प्रतियोगिताका ‘मोस्ट भ्यालुएबल’ खेलाडीलाई सुनको जुत्ता रहेको छ । ट्रफी सार्वजनिक गर्दै सद्भावना दूत जोन्टी रोड्सले आफू डीपीएल हेर्नका लागि निकै उत्साहित भएको बताउनुभयो ।

वर्षाले प्रतियोगिता प्रभावित हुन सक्ने

मैदानमा हुने प्रतियोगिताको तयारी पूरा भए पनि वर्षाका कारण खेल शनिबारदेखि हुने सम्भावना भने न्यून रहेको छ ।

बिहीबार बिहानदेखि परेको पानीका कारण मैदान हिलाम्मे भएको छ । धनगढी क्रिकेट एकेडेमीका अध्यक्ष सुवाश शाहीले आज साँझ ५ बजे टिम क्याप्टेन, अफिसियल र प्राविधिक टोलीको छलफलले भोलिको उद्घाटन खेल हुने–नहुनेबारे निष्कर्ष निकाल्ने जानकारी दिनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्