ओखलढुंगाका पसलमा म्याद गुज्रिएका औषधि

असार ८, २०७५ शुक्रबार १८:५०:१ | शिव ढुंगाना

ओखलढुंगा – स्थानीय प्रशासनले ओखलढुंगाका औषधि पसलहरुमा अनुगमन गरेर म्याद गुज्रिएका औषधि बरामद गरेको छ ।

ओखलढुंगाका सहायक प्रमुख जिल्ला अधिकारी रविन्द्र पौडेलको नेतृत्वमा चिकित्सकसहितको अनुगमन टोलीले गरेको अनुगमनमा दुईवटा मेडिकलमा म्याद गुज्रेका औषधि फेला परेका छन् । सिद्धिचरण नगरपालिका वडा नं. ११, रमाइलोडाँडामा सञ्चालित विणा औषधि पसल र कोचइ फार्मेसीमा म्याद गुज्रेका औषधि बरामद गरेको सहायक प्रमुख जिल्ला अधिकारी रविन्द्र पौडलले जानकारी दिनुभयो ।

बरामद गरिएका औषधि नष्ट गरिएको छ । शुक्रबार गरेको अनुगमनमा सदरमुकाममा सञ्चालित आधिकांश औषधि पसल मापदण्ड विपरीत भएको पाइएको छ । टोलीले ओखलढुंगाका ९ ओटा औषधि पसलमा अनुगमन गरेको छ ।

औषधि पसलहरुले म्याद गुज्रेका औषधि बेच्ने, प्रमाणपत्र एउटाको राखेर अर्कैले चलाउने, मेडिकलले बेच्न नपाउने औषधि बिक्रीवितरण गर्ने र डाक्टरको सिफारिसबिनै उपचार गर्ने गरेको पाइएको छ ।

अनुगमन टोलीले अनियमित तरिकाले सञ्चालन भएका औषधि पसलहरुलाई लिखित निर्देशन दिइएको अनुगमन टोलीले जनाएको छ । निर्देशन तत्काल पालन नगरे कानुनी कारबाही थालिने सहायक प्रजिअ पौडेलले बताउनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्