सरकारले ३ वटा मेडिकल कलेज स्थापना गर्ने, दरबन्दी र अस्थायी कार्यालय स्थापनाकाे काम अघि बढ्याे

फागुन ९, २०७५ बिहीबार १५:२१:८ | उज्यालो सहकर्मी

काठमाण्डाै - सरकारले ३ वटा मेडिकल कलेज स्थापनाका लागि दरबन्दी र अस्थायी कार्यालय स्थापना गर्ने निर्णय गरेको छ ।

मन्त्रीपरिषद्को बैठकले महोत्तरीको बर्दिवास, रुपन्देहीको बुटवल र सुर्खेतमा सरकारी मेडिकल कलेज स्थापना गर्न ९ जनाको दरबन्दी कायम गर्ने र अहिलेलाई १० करोड रुपैयाँ विनियोजन गर्ने निर्णय गरेको सरकारका प्रवक्ता तथा सञ्चार तथा सूचना प्रविधिमन्त्री गोकुल बाँस्कोटाले जानकारी दिनुभयो ।

यस्तै कोशी अञ्चल अस्पताल मोरङ, नारायणी उपक्षेत्रीय अस्पताल विरगंज, भरतपुर अस्पताल चितवन, भेरी अञ्चल अस्पताल नेपालगञ्ज र डडेल्धुरा उपक्षेत्रीय अस्पताललाई संघीय सरकार माताहत ल्याएर विशेषज्ञ सेवा सहितको अस्पताल बनाउने पनि सरकारले निर्णय गरेको छ ।

सामाजिक सञ्जालमाथि हस्तक्षेप गर्न नभइ नियमन र व्यवस्थापन गर्न मात्रै कानुनी प्रावधान ल्याउन खोजिएको सरकारले जनाएको छ ।

बिहीबार मन्त्रीपरिषद बैठकको निर्णय सार्वजनिक गर्दै सञ्चार तथा सूचना प्रविधिमन्त्री गोकुलप्रसाद बाँस्कोटाले जर्मनी, भारत, बेलायत लगायत देशमा पनि फेसबुक लगायत सामाजिक सञ्जाल दर्ता गरेर चलाउनुपर्ने प्रावधान भएको बताउनुभयो ।

चरित्रहत्या जस्ता जघन्य अपराधहरु सामाजिक सञ्जाल मार्फत बढिरहेको भन्दै मन्त्री बाँस्कोटाले अभिव्यक्ति स्वतन्त्रतामा यसले कुनै असर नगर्ने दावी गर्नुभयो ।

यस्तै यस्तै गण्डकी प्रदेश र पाँच नम्बर प्रदेशका जिल्लामा अप्टिकल फाइबर बिच्छाउनको लागि यूटिएल कम्पनीसँग भएको सम्झौता रद्द भएको छ ।

मन्त्रिपरिषद् बैठकले समयमा काम नगरेको भन्दै युटिएलसँग भएको दुई अर्ब १ करोड रुपैयाँको सम्झौता रद्द गरेर गण्डकी र प्रदेश पाँचमा अप्टिकल फाइवर बिच्छाउने जिम्मा नेपाल टेलिकमलाई दिएको पनि मन्त्री बाँस्काटोले जानकारी दिनुभयो ।

अन्तिम अपडेट: माघ १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्