शुल्क नतिर्ने मोरङ–सुनसरी औद्योगिक करिडोरका दर्जनौँ उद्योगका बिजुलीको लाइन काटियो

फागुन १०, २०७५ शुक्रबार ११:५:५८ | सुमन तिमल्सिना

मोरङ – सुनसरी–मोरङ औद्योगिक करिडोरका दर्जनौँ उद्योगका बिजुलीको लाइन विद्युत प्राधिकरणले काटिदिएको छ ।

प्राधिकरणलाई तिर्न बाँकी शुल्क नबुझाएपछि विद्युत प्राधिकरणले झण्डै ६० उद्योग तथा फर्मको बिजुली कटौती गरेको हो । बिजुली काटिएका उद्योगमा स्वस्तिक फुटवेयर, स्वस्तिक पोलिमार, श्रीराम आइरन, श्रीजी वायर्सलगायत छन् ।

लामो समय कम्युनिष्ट आन्दोलनमा संलग्न रहँदै आएका पुराना व्यवसायी ऋषिमोहन रेग्मीको लगानीमा रहेको रामजानकी कोल्ड स्टोरमा पनि विद्युत प्राधिकरणले वितरण केन्द्र विराटनगरले लाइन काटिदिएको छ ।

विराटनगर–४, पिपलचोकमा सञ्चालित कोल्ड स्टोरले ७ लाखभन्दा बढी रकम प्राधिकरणलाई तिर्न आनाकानी गरेपछि लाइन काटिएको प्राधिकरणले जनाएको छ । प्राधिकरणले लाइन काटेपछि कोल्ड स्टोरमा व्यापारीले राखेका सामान बिग्रिन थालेको छ ।

प्राधिकरणको बक्यौता अनलाइनमार्फत सिधै केन्द्रीय कार्यालयले हेर्न थालेपछि केन्द्रको दबाबपछि बक्यौता धेरै रहेका उद्योगहरुको लाइन काट्न थालिएको वितरण केन्द्रका प्रमुख राजिवकुमार सिंहले बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

शुल्क नतिर्ने मोरङ–सुनसरी औद्योगिक करिडोरका दर्जनौँ उद्योगका बिजुलीको लाइन काटियो

फाइल फाेटाे

तपाईको प्रतिक्रिया