भारतीय पाइलट रिहा गर्ने विषयमा भारतसँग वार्ता गर्न पाकिस्तान तयार

फागुन १६, २०७५ बिहीबार १७:१८:३२ | एजेन्सी

भारत–पाकिस्तान बीचमा बुधबार भएको हवाई आक्रमणकै क्रममा भारतीय वायु सेनाका विङ्ग कमाण्डर अभिनन्दन वर्तमान पाकिस्तानको कब्जामा रहेका छन् ।

भारतले आफ्ना कमाण्डरलाई सुरक्षित रुपमा पाकिस्तानले फिर्ता गर्नुपर्ने माग गर्दै आएको छ ।

पाकिस्तानी विदेशमन्त्री शाह महमूद कुरैशीले भारतीय पाइलट अभिनवलाई रिहा गर्ने विषयमा भारतसँग कुरा गर्न पाकिस्तान तयार रहेको बताएका छन् ।

New offer:Foreign Minister @SMQureshiPTI responded my question on Geo News and said if India-Pakistan tension can be defused by the return of Wing Commander Abhinandan we are ready to talk on this issue with India
— Hamid Mir (@HamidMirPAK) 28 February 2019

पाकिस्तानी पत्रकार हामिद मीरले ट्वीट गर्दै जियो न्यूजसँगको अन्तर्वार्तामा विदेशमन्त्री कुरैशीले भारतसँग वार्ता गर्न तयार रहेको बताएको जानकारी दिएका छन् ।

भारतले पनि दिल्लीमा रहेका पाकिस्तानी उच्च आयुक्तलाई बोलाएर घटनाको विरोध जनाएको बताएको छ ।

को हुन् अभिनन्दन ?

अभिनन्दन भारतीय वायु सेनाका विङ्ग कमाण्डर हुन् । बुधबार उनी लडाकु विमान मिग–२१ लिएर पाकिस्तानी सीमामा छिरेका थिए । उनले उडाएको विमानलाई पाकिस्तानी वायु सेनाले खसालेर उनलाई कब्जामा लिएको थियो ।

पाकिस्तानी सेनाले अभिनन्दन आफूहरुसँगै भएको ठिक अवस्थामा रहेको बताएको छ । एउटा भिडियोमा अभिनन्दनले भनेका छन्, ‘मेरो नाम अभिनन्दन हो । म विङ्ग कमाण्डर हूँ । मेरो सभिर्स नम्बर २७९८१ हो । म एक फ्लाइङ पाइलट हूँ ।’

त्यस्तै अर्को एउटा भिडियोमा अभिनन्दनले चिया पिइरहेका देखिन्छन् । उनीसँग कसैले प्रश्न गरिरहेका हुन्छन् भने उनले सरासर त्यसको जवाफ दिइरहेका हुन्छन् । त्यस भिडियोमा अभिनन्दनले आफूलाई पाकिस्तानी सेनाले राम्रो व्यवहार गरेको बताउँदै भारत फर्केर पनि त्यही भन्ने बताएका छन् ।

अभिनन्दनका बुवा पनि भारतीय वायु सेनामा थिए । उनका भाइ पनि वायु सेनामा नै रहेको बीबीसीले जनाएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्