विराट कोहलीसँगको सम्बन्ध बारेमा पहिलो पटक बोलिन् तमन्ना भाटिया

फागुन १९, २०७५ आइतबार १६:१४:३४ | उज्यालो सहकर्मी

भारतीय क्रिकेटर विराट कोहलीले अभिनेत्री अनुष्का शर्मासँग विवाह गरिसकेका छन् । विवाह गरिसकेका विराटको नामसँग साउथकी अभिनेत्री तमन्ना भाटियाको नाम जोडेर बेलाबेलामा खबरहरु भने आइरहेका हुन्छन् ।

विवाहअघि विराट कोहली र तमन्ना भाटियाले एकअर्कालाई डेट गरेका थिए । तर पछि विराटले बलिउडकी स्टार अभिनेत्री अनुष्का शर्माका साथ विवाह गरे ।

विराट कोहलीले अनुष्कासँग विवाह गर्दाताका पनि तमन्ना भाटियासँग जोडेर विभिन्न खबरहरु सार्वजनिक भएका थिए । अहिले अभिनेत्री तमन्ना भाटिया स्वयंले विराट कोहलीसँगको प्रेम सम्बन्धका विषयमा सार्वजनिक भएका खबरहरुको जवाफ दिएकी छिन् ।

तमन्नाले एउटा अन्तरवार्तामा भनेकी छिन्, ‘एउटा विज्ञापनको छायांकनपछि विराटलाई मैले कहिल्यै भेटेकी छैन । न मेरो उनीसँग कुनै कुराकानी नै भएको छ । एड विज्ञापन छायांकनको समयमा म र विराटबचि सायद चार शब्दको कुराकानी मात्रै भएको थियो होला,’ तमन्नाले अगाडि भनिन्, ‘त्यसपछि विराटलाई मैले कहिल्यै भेटेकी छैन । न त हामीबीच कुनै कुराकानी नै भएको छ ।’

अभिनेत्री तमन्ना भाटियाले विराट कोहली र उनीबीच पे्रम सम्बन्ध रहेको थियो भन्ने खबर झुटो रहेको कुरा बताएकी छिन् ।

साथै विराट र आफूबीच कुनै पनि किसिमको सम्बन्ध नरहेको पनि बताएकी छिन् । तमन्नाले विराट कोहलीको प्रशंसा गर्दै उनी कैयौं अभिनेताभन्दा सुन्दर रहेको अभिव्यक्ति पनि दिइन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्