फिल्म ‘सारे जहाँ से अच्छा’ का लागि रणबिर कपूर छानिए

फागुन २०, २०७५ सोमबार १४:२३:५६ | एजेन्सी

भारतीय अन्तरिक्ष यात्री राकेश शर्माको जीवनमा आधारित फिल्म ‘सारे जहाँ से अच्छा’का लागि बलिउडमा लामो समयदेखि अन्यौल भइरहेको छ ।

सुरुमा अभिनेता आमिर खानले राकेश शर्माको भूमिका निर्वाह गर्ने बताइएको थियो । तर आमिर खानले आफू अन्य फिल्ममा व्यस्त भएका कारण फिल्ममा अभिनय गर्न नसक्ने भन्दै शाहरुख खानलाई यस फिल्ममा अभिनय गर्न अनुरोध गरेका थिए ।

आमिरको आग्रहमा शाहरुख खानले यस फिल्ममा अभिनय गर्ने बताएका थिए तर केही समयपछि उनले पनि यस फिल्ममा काम गर्न अस्वीकार गरे ।

त्यसपछि अभिनेता विक्की कौशल राकेश शर्माको भूमिकाका लागि फाइनल भएका खबरहरु सार्वजनिक भएका थिए । तर फिल्मफेयरले सार्वजनिक गरेको खबरअनुसार ‘सारे जहाँ से अच्छा’ मा अभिनेता विक्की कौशल नभएर रणबिर कपूर फाइनल भएको बताइएको छ ।

अभिनेता रणबिर कपूरको तर्फबाट भने यस विषयमा कुनै पनि आधिकारिक जानकारीहरु आइसकेको छैन । रणबिर कपूर यतिबेला निर्देशक अयान मुखर्जीको फिल्म ‘ब्रम्हास्त्र’को छायाँकंनमा व्यस्त छन् ।

यसका साथै रणबिर कपूर लव रंजनको नयाँ फिल्ममा अभिनेता अजय देवगनका साथ देखिनेछन् । यसैबीच रणबिर कपूरले राकेश शर्माको बायोपिकमा अभिनय गर्ने निर्णय छिट्टै नै लिन सक्ने बताइएको छ ।

यस फिल्मको निर्माण रोनी स्क्रुवाला र सिद्धार्थ रोय कपूरले गर्नेछन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्