समझदारी नविकरणमा नेपालले गरेको प्रस्तावमा युएईले पठायाे सकारात्मक जवाफ

फागुन २४, २०७५ शुक्रबार १५:४१:५६ | उज्यालो सहकर्मी

काठमाण्डौ – दुई देशबीचको श्रम समझदारी नविकरणका लागि नेपालले राखेको प्रस्तावमा संयुक्त अरब इमिरेट्स (युएई)ले सकारात्मक जवाफ दिएको छ ।

नेपालले यूएईसँग नेपाली कामदार शून्य लागतमा ल्याउन र २४ घण्टे बीमाको व्यवस्थासहितको प्रस्ताव राखेकोमा युएईले धेरै विषयमा सकारात्मक जवाफ पठाएको श्रम, रोजगार तथा सामाजिक सुरक्षा मन्त्रालयले जनाएको छ ।

समझदारी नविकरणका विषयमा छलफल गर्न नेपाली प्राविधिक टोलीले गएको माघ १६ र १७ गते युएई पुगेर छलफल गरेको थियो । छलफलमा नेपालले गरेको प्रस्तावमा युएईले केही दिनअघि आफ्नो जवाफ पठाएको मन्त्रालयका एक अधिकारीले उज्यालोलाई जानकारी दिएका छन् ।

उनले युएईले पठाएको जवाफको अध्ययन भइरहेको बताए । यूएईको दुबई र आबुधाबीको श्रम तथा मानव संसाधन मन्त्रालयमा भएको छलफलमा शून्य लागतमा कामदार लान, २४ घण्टे बीमाको व्यवस्था गर्न, कामदारको सुरक्षा र सेवा सुविधाका बारेमा प्रस्ताव राखेको हो ।

छलफलपछि दुवै पक्षले थप छलफल आवश्यक रहेको देखिएको बताएका थिए । यूएईले पठाएको प्रस्ताव अध्ययन गरेरसम्झौताको खाका तयार पार्ने सरकारको तयारी छ । दुई देशबिचको छलफलमासहमति भएका विषय र कानुनका आधारमा परिमार्जन गर्नुपर्ने विषय टुङगाएर दुवै पक्षको छलफलपछि मन्त्रीस्तरमा छलफल गरेर सम्झौतामा हस्ताक्षर गर्ने सरकारको भनाई छ ।

सरकारले श्रम सम्झौताको मस्यौदा टुंगो लगाउन श्रम रोजगार तथा सामाजिक सुरक्षा मन्त्रालयका सहसचिव तथा वैदेशिक रोजगार महाशाखा प्रमुख डाक्टर रामप्रसाद घिमिरेको नेतृत्वमा पाँच सदस्यीय टोली ओमान र यूएई पठाएको थियो । नेपालले यूएईसँग सन् २००७ मा गरिएको श्रम सम्झौता नवीकरण गर्न लागेको हो ।

यूएईभन्दा अघि छलफल गरिएको ओमानले भने अहिलेसम्म आफ्नो जवाफ पठाएको छैन । मलेसिया, यूएई, ओमान, कतार तथा खाडीका देशसँग श्रम सम्झौता गर्ने र त्यसलाई थप प्रभावकारी बनाउने श्रम रोजगार तथा सामाजिक सुरक्षा मन्त्री गोकर्ण विष्टको प्रस्तावमा सरकारले कार्यदल बनाएर काम गरिरहेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्