नातिले दिलाए हजुरआमालाई ८३ वर्षकाे उमेरमा नागरिकता

चैत १, २०७५ शुक्रबार २०:१९:१५ | राधाकृष्ण डुम्रे

स्याङ्जा – स्याङजाको गल्याङ् नगरपालिका–८ की ८३ वर्षीया टिकाकुमारी थापालाई उहाँका नातिले नागरिकता दिलाएका छन् ।

श्रीमान नैनासिंह भारतीय सेनामा कार्यरत रहँदा नै भारत गएको र लामो समयदेखि उतै बसोबास गर्दै आएकाले नेपाली नागरिकता लिन नपाएको टिकाकुमारीको भनाइ छ ।

२०४० सालमा श्रीमानको मृत्यु भएपछि पटक—पटक नेपाल आएको भए पनि नागरिकता लिने अवसर नमिलेको थापाले बताउनुभयो । जेठा छोरापट्किो नातिले सनाखत गरेपछि ४ छोराकी आमा थापालाई नेपाली नागरिकताको प्रमाणपत्र प्रदान गरिएको इलाका प्रशासन कार्यालय वालिङका प्रमुख दामोदर शर्माले जानकारी दिनुभयो ।

‘८३ वर्षीय आमालाई नागरिकता दिलाउन पाउँदा मलाई आनन्द लागेको छ, प्रमुख शर्माले भन्नुभयो, ‘आमाले नागरिकताको काम र महत्व नबुझेका कारण नागरिकता नलिएको हुनुपर्छ ।’

‘आमाको सबै कुरा बुझेर तीन पुस्ता खुल्ने कागजात सबै मिलेपछि हामीले नागरिकता प्रदान ग¥यौँ, प्रशासन प्रमुख शर्माले भन्नुभयो ।

यति धेरै उमेरका नागरिकले नागरिकता पाएको सम्भवत स्याङ्जामै पहिलो भएको अनुमान शर्माको छ । नागरिकता पाएपछि थापाले मतदाता नामावलीका लागिसमेत फोटो खिचाउनुभएको छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्