फ्रान्ससँग कम्तीमा बराबरी खेल्दै अघिल्लो चरण पुग्ने दाउमा डेनमार्क

असार १२, २०७५ मंगलबार १२:५७:३२ | एजेन्सी

सन् १९९८ को विश्वकप विजेता फ्रान्स समूह सीबाट नकआउट चरणमा पुगिसकेको छ । उसले समूह चरणमा अष्ट्रेलिया र पेरुलाई पराजित गरेको थियो । यता डेनमार्क एक जित र एक बराबरीसहित ४ अंक जोडेको छ ।

यिनै फ्रान्स र डेनमार्क आज लुज्निकी रंगशालामा समूहको अन्तिम खेल खेल्दा फ्रान्ससँग डेनमार्क बढी दवावमा हुनेछ । अर्को चरणमा स्थान बनाउनका लागि डेनमार्कलाई बराबरी पर्याप्त हुनेछ । यदि उसले आजको खेल हारेको अवस्थामा पेरु र अष्ट्रेलियाले बराबरी खेल्नुपर्छ या पेरुले जित्नुपर्छ ।

आफ्नो प्लेइङ करिअरमा फ्रान्सेली प्रशिक्षक डिडियर डेसच्याम्पले सन् १९९८ मा डेनमार्कविरुद्ध विश्वकपको समूह चरणको अन्तिम खेल खेलेका थिए । र, सायद उनले यस खेलमा पनि त्यही नतिजाको अपेक्षा गरिरहेका छन्, जहाँ फ्रान्सले डेनमार्कलाई २–१ गोलले हराउँदै शतप्रतिशत जित निकालेको थियो ।

आखिर डेनमार्कका प्रशिक्षक एज हेरिड पनि त्यतिबेलाकै जस्तो नतिजा चाहन्छन् । जहाँ हारका बाबजुद डेनमार्क नकआउट चरणमा पुगेको थियो ।

दुई पहेँलो कार्डका कारण युसुफ पल्सेन प्रतिबन्धित रहनु र पियोन सिस्टोले प्रभाव छाड्न नसक्नुले विश्वकपको आफ्नो महत्वपूर्ण खेलमा डेनिस प्रशिक्षक हेरिड आफ्नो अग्रपंक्ति परिवर्तन गर्न बाध्य हुनेछन् ।

डेनमार्कका लागि एक अंक पर्याप्त हुनेछ, तर, हेरिड आफ्नो पहिचानको रुपमा रहेको पोनिस बेस फुटबलमा अझै सुधार गर्न चाहन्छन् ।

समूहको दोस्रो खेलमा पेरुलाई हराएर अर्को चरणमा पुगेको फ्रान्सेली टोलीको मूड पूरै परिवर्तन भएको छ । तर, प्रशिक्षक डेसच्याम्प स्पष्ट छन्, उनीहरु समूहको शीर्ष स्थानमा हुन चाहन्छन् विपक्षी जोसुकै होस मतलव छैन ।

तर, एउटा जिज्ञासा भने अझै कायमै छ कि डेसच्याम्पले डेनमाकविरुद्ध टिममा कस्तो परिवर्तन गर्छन् ।

सम्भावित फ्रान्सेली टिम

ह्युगो लोरिस, बेञ्जामिन पाभार्ड, रफायल भाराने, प्रिस्नेल किम्पेम्बे, लुकास हर्नाण्डेज, पाउल पोग्वा, एनगोलो कान्टे, कोरेन्टिन टिलोसो, नविल फेकिर, एन्टोइन ग्रिजम्यान, थोमस लेमर ।

सम्भावित डेनिस टिम

कास्पर केमिकेल, हेनरिक डाल्सगार्ड, सिमोन जेइर, आन्द्रेस क्रिष्टेन्सेन, जेन्स लर्सेन, लस्से स्कोनी, थोमस डेलाने, क्रिष्टियन इरिक्सन, आन्द्रेस कोर्नेलिउस, मार्टिन ब्रेथवेइट, निकोलाइ जर्गेन्सेन ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्