बारा र पर्सामा आएको हावाहुरीबारे अध्ययन गर्न मौसमविद्सहितको टोली जाँदै

चैत २०, २०७५ बुधबार ८:२:७ | उज्यालो सहकर्मी

काठमाण्डौ – बारा र पर्सामा धनजनको क्षती हुने गरी आएको हावाहुरीबारे अध्ययन गर्न मौसमविद्सहितको टोली प्रभावित क्षेत्रमा जाँदैछ ।

जल तथा मौसम विज्ञान विभागबाट मौसमविद्सहित तीनजनाको टोली बुधबार अध्ययनको लागि प्रभावित क्षेत्रमा जान लागेको हो । टोलीले त्यहाँ अध्ययन सकेर केही दिनमा फर्कने छ ।

आउँदा दिनमा यस्ता हावाहुरीको प्रकोपबाट हुन सक्ने क्षति कम गर्न अध्ययन सहयोगी हुने विभागको विश्वास छ ।

यस्तै, सोमबार दिउँसोपछि देशका धेरै ठाउँमा मेघगर्जन र हावाहुरीसहित पानी पर्ने मौसमविद्ले अनुमान गरेका छन् ।

पूर्वमा बनेको न्यूनचापीय क्षेत्र, बंगालको खाडीबाट आएको जलवाष्पयुक्त हावाको प्रभाव र स्थानीय वायुको असर भएकाले देशका धेरै ठाउँमा मेघगर्जन र हावाहुरीसहित पानी पर्ने संभावना रहेको मौसमविद् शान्ति कँडेलले जानकारी दिनुभयो ।

उहाँका अनुसार यो प्रणालीको असरले मध्य र पश्चिमको तुलनामा पूर्वको धेरै ठाउँमा पानी पर्नेछ । आजको भन्दा भोलि र भोलिको भन्दा पर्सि मौसम बदली अझ धेरै हुने उहाँको अनुमान छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्