महिला फ्यानले प्रेमिकाको ज्यान मार्ने धम्की दिएपछि प्रहरीकहाँ पुगे वरुण धवन

चैत २४, २०७५ आइतबार १९:४३:११ | उज्यालो सहकर्मी

अभिनेता वरुण धवन अधिकांश समय प्रेमिका नताशा दलालका साथ देखिन्छन् । यी दुवैले छिट्टै नै विवाह गर्ने खबर पनि चर्चामा रहेको छ ।

तर वरुणकी एकजना महिला फ्यानलाई भने वरुण धवन र नताशा दलालको निकटता चित्त बुझेको छैन । यसै कारण उनले नताशा दलालको ज्यान मार्ने धम्की दिएकी छिन् ।

यतिबेला अभिनेता वरुण धवन उनको फिल्म ‘कलंक’ को प्रमोशनमा व्यस्त छन् । यसैबीच एकजना महिला फ्यानले वरुण धवनको मुम्बईको जुहुस्थित घर अगाडि आएर वरुणलाई भेट्न नपाएपछि उनकी प्रेमिका नताशा दलालको ज्यान मार्ने धम्की दिएकी छिन् ।

ती महिला वरुणको घर अगाडि आएर सुरक्षा गार्डसँग वरुणलाई भेट्ने भन्दै जिद्दी गर्न थालिन् । सुरक्षामा खटिएका कर्मचारीहरुले वरुण धवन घरमा नभएकाले भेट हुन नसक्ने बताएपछि उनी भड्किएकी थिइन् । त्यसपछि उनी रिसाउँदै भन्न थालिन्, ‘ म नताशालाई मारिदिन्छु ।’

सुरक्षा गार्डहरुका अनुसार ती महिला कैयौं दिनदेखि वरुणको घर वरपर चक्कर लगाइरहेकी थिइन् । अधिकांश फ्यानहरु फूलका गुच्छा, गिफ्ट वा म्यासेज छोडेर फर्कने गर्थे, तर तL महिलाले भने वरुणसँग भेट्ने जिद्दी गर्दै नतासालाई ज्यान मार्ने धम्की दिइन\ । उनले करिa ४५ मिनेटसम्म सुरक्षा गार्डसँग झगडा गरेपछि अन्त्यमा प्रहरीलाई बोलाइएको थियो ।

वरुण धवनले ती महिला फ्यानले आफ्नी प्रेमिका नताशा दलालको ज्यान मार्ने धम्की दिएको थाहा पाएपछि तुरुन्तै प्रहरी कार्यालय गएर उजुरी दर्ता गराएका छन ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्