‘डन ३’ मा शाहरुख खानलाई रिप्लेस गर्दै रणवीर सिंह बन्नेछन् ‘डन’

चैत २६, २०७५ मंगलबार ११:२५:१३ | एजेन्सी

बलिउड फिल्म उद्योगमा जब डनको कुरा आउँछ तब सबैभन्दा पहिले अभिनेता अमिताभ बच्चन र शाहरुख खानको नाम आउँछ ।

यी दुबै अभिनेताले फिल्ममा निर्वाह गरेको दमदार अभिनयका कारण अन्य अभिनेतालाई उनीहरुको ठाउँमा राखेर सोच्न गाह्रो हुन्छ । तर अब भने यी दुई अभिनेताहरुको सूचीमा एक अर्का अभिनेताको नाम थपिने भएको छ । ती तेस्रो अभिनेता हुन् बलिउड उद्योगमा नयाँ पुस्ताका पावरहाउसको पहिचान बनाएका रणवीर सिंह ।

भारतीय सञ्चारमाध्यमका अनुसार रणवीर सिंहले फिल्म ‘डन ३’ मा डनको भूमिका निर्वाह गर्ने बताइएको छ । यस अघि अभिनेता शाहरुख खानले यो फिल्म गर्ने भनिए पनि अहिले शाहरुख खानले व्यक्तिगत कारण देखाउँदै यस फिल्ममा काम गर्न अस्वीकार गरेको समाचार भारतीय सञ्चारमाध्यमले प्रकाशित गरेका छन् । तसर्थ फिल्म निर्माताहरु डनको भूमिकाको लागि रणवीर सिंहका साथ कुराकानी अगाडि बढाइरहेका छन् ।

यस फिल्ममा अभिनेता रणवीर सिंहले डनको भूमिका निर्वाह गर्ने आधिकारिक जानकारी सार्वजनिक भएको छैन । तर ‘डन ३’ की निर्माता जोया अख्तरका साथ रणवीर सिंहले यस अघि फिल्म ‘दिल धडकने दो’, ‘गली ब्वाय’ जस्ता सफल फिल्ममा काम गरिसकेकाले उनले शाहरुख खानले यो फिल्म नगर्ने भनेपछि रणवीरकासाथ कुराकानी अगाडि बढाइरहेकी छिन् ।

रणवीर सिंह र जोया अख्तरको सम्बन्ध सुमधुर भएका कारण रणवीर सिंहले ‘डन ३’ साइन गर्ने पक्का भएको चर्चा यतिबेला भइरहेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्