अपराध सर्वेक्षण गर्न पर्वत प्रहरीले बनायो ‘क्राइम म्याप’

चैत २६, २०७५ मंगलबार ११:४७:५७ | सन्तोष थापा

पर्वत – जिल्ला प्रहरी कार्यालय पर्वतले जिल्लामा घटेका र घट्न सक्ने घटनाहरुलाई सर्वेक्षण गर्न सर्वसाधारणले समेत हेर्न मिल्ने गरी समग्र जिल्लाको ‘क्राइम म्याप’ अपराध नक्सा तयार पारेको छ । प्रहरीले कुश्मा नगरपालिकाको सहयोगमा जिल्लाका सात वटै स्थानीय तहको सर्वेक्षण गर्न मिल्ने गरी नक्सा बनाएको हो ।

पछिल्लो समयमा जिल्ला प्रहरी कार्यालय पर्वतमा चोरी, डकैती, लुटपाट, झै–झगडा, ज्यान मार्नेलगायतका घटना दर्ता हुने क्रम बढ्दै गएपछि त्यसको तथ्याङ्क अध्यावधिकसँगै घटना सर्वेक्षण गर्न क्राइम म्याप बनाइएको प्रहरी नायव उपरीक्षक भुवनेश्वर तिवारीले जानकारी दिनुभयो ।

धार्मिक तथा पर्यटनको हिसाकले पर्वतमा आन्तरिक तथा बाह्य पर्यटकहरुको आगमन बढ्दै गएको सन्दर्भमा जिल्लाको अपराधिक अवस्थालाई जस्ताको त्यस्तै नक्सामा उतार्नका लागि प्रहरीले नक्सा बनाउने काम अघि बढाएको हो ।

‘नक्सा इन्टरनेटको माध्यमबाट जो सुकैले पनि संसारको जुनसुकै ठाउँबाट हेर्न मिल्ने गरी बनाइएको छ’ प्रहरी नायव उपरीक्षक तिवारीले भन्नुभयो ‘नेपाल भित्र र बाहिर जुनसुकै स्थानबाट पर्वत आउने व्यक्तिले पर्वतको क्राइमको अवस्थाले नक्साबाट हेरेर घुमफिर गर्न सक्छन् ।’

क्राइम नक्सामा पर्वतका सबै स्थानमा विगत तीनवर्ष यतादेखि भएका घटनाहरु अध्यावधिक गरिएको छ । कुन समयमा पर्वतको कुन स्थानमा के घटना घटेको हो भन्ने कुरा नक्साबाट प्रष्ट थाहा पाउने भएकाले क्राइम म्याप प्रभावकारी हुने देखिएको कुश्मा नगरपालिकाका प्रमुख रामचन्द्र जोशीले बताउनुभयो । ‘अब सात वटै स्थानीय तहका जनप्रतिनिधिहरु आफ्नो तहको सुरक्षा सम्बेदनशील क्षेत्र नक्साबाटै हेर्न पाउनेछन्’ उहाँले जनप्रतिनिधिहरुलाई अपराध नियन्त्रणमा क्राइम म्यापले महत्वपूर्ण सहयोग पुग्ने बताउनुभयो ।

क्राइम म्याप निर्माणको आर्थिक तथा प्राविधिक सम्पूर्ण जिम्मा कुश्मा नगरपालिकाले लिएको छ । अहिले नक्सामा घटना अद्यावधिक गर्ने कार्य भइरहेको र एप्लिकेशनमार्फत नै क्राइम म्याप हेर्न सकिने गरी प्राविधिक कार्य भइरहेको कुश्मा नगरपालिकाका सूचना प्रविधि इञ्जिनियर राजिव रिमालले जानकारी दिनुभयो ।

अन्तिम अपडेट: पुस १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्