साउदी अरबमा दुई भारतीयलाई मृत्युदण्ड

वैशाख ५, २०७६ बिहीबार ११:४६:३९ | उज्यालो सहकर्मी

काठमाण्डौ – साउदी अरबमा दुई जना भारतीय नागरिकलाई मृत्युदण्ड दिइएको छ । रोजगारीका लागि साउदी पुगेका होसियारपुरका सतविन्दर कुमार र लुधियानाका हरजित सिंहलाई हत्याको आरोपमा मृत्युदण्ड दिइएको हो ।

उनीहरुलाई गएको फेब्रुअरी २८ तारिखका दिन मृत्युदण्ड दिइएको बीबीसीले जनाएको छ । तर उनीहरुका परिवारलाई गएको सोमबार मात्रै खबर दिइएपछि मृत्युदण्ड भएको थाहा भएको हो ।

सन् २०१३ मा गाडी चलाउन साउदी गएका उनीहरुले सन् २०१५ मा आरिफ भन्ने व्यक्तिसँग मिलेर चोरी गरेको र चोरी गरेको पैसा बाँड्ने क्रममा झगडा भएपछि आरिफको हत्या गरेको त्यहाँको प्रहरीले जनाएको छ ।

प्रहरीले उनीहरुलाई सन् २०१५ मा चोरीको आरोपमा पक्राउ गरेको थियो । सजाय पूरा भएर छुट्ने बेलामा हत्या गरेको समेत आशंका भएपछि रियादबाट दमाममा सारिएको थियो । अनुसन्धानका क्रममा आरोप स्वीकार गरेपछि उनीहरुलाई मृत्युदण्ड दिइएको बीबीसीको समाचारमा उल्लेख छ ।

साउदीको कानुनअनुसार मृत्युदण्ड पाएका व्यक्तिको शव उसको परिवार र देशमा पठाउँदैन । यस्तै मृत्युदण्ड दिइएको दुई महिनापछि मृत्यु दर्ता जारी गर्ने साउदीको कानुन छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्