नदीजन्य सामग्री उत्खनन् गर्ने चारजना पक्राउ, प्राकृतिक सम्पदाको दोहनसम्बन्धी मुद्धा दर्ता

वैशाख ९, २०७६ सोमबार १०:३६:३१ | किरण लोहनी

गोरखा – अवैध रुपमा नदीजन्य सामग्री उत्खनन् गर्ने चारजनालाई जिल्ला प्रहरी कार्यालय गोरखाले पक्राउ गरि मुद्धा चलाएको छ ।

गण्डकी गाउँपालिका– ७ घ्याल्चोकस्थित त्रिशुली नदी किनारबाट शनिबार प्रहरीले उनीहरुलाई नियन्त्रणमा लिएको हो । नदीबाट बालुवा, ढुंगा, गिटीलगायतका सामग्री निकालिरहेको बेलामा प्रहरीले उनीहरुलाई नियन्त्रणमा लिएको हो ।

पक्राउ पर्नेमा एक्साभेटर चालक धादिङको बेनिघाट रोराङ गाउँपालिका– ५ का २५ वर्षका राजिव सिलवाल, टिप्पर चालकहरु धादिङकै गजुरी गाउँपालिका –६ का २७ वर्षका आइतराज मोक्तान, ३७ वर्षका मुक्त तामाङ र २७ वर्षका नवराज तामाङ रहेका छन् ।

जिल्ला अनुगमन तथा समन्वय समितिले शुक्रबार अनुगमनका क्रममा एक्साभेटर प्रयोग गरेर उत्खनन् गरिरहेको भेटेपछि प्रहरीलाई जानकारी गराएको थियो ।

अनुगमनका क्रममा यो ठाउँमा गाउँपालिकाले नदीजन्य सामग्री संकलनको ठेक्का नलगाएको पनि पाइएको समन्वय समितिका प्रवक्ता मानप्रसाद धितालले बताउनुभयो । अनुगमन समितिले जानकारी गराएको केही समयमा नै उनीहरुलाई घ्याल्चोक आसपासबाट पक्राउ गरिएको प्रहरीले जानकारी दिएको छ ।

पक्राउ परेका चारैजनाविरुद्ध आइतबार प्राकृतिक सम्पदाको दोहनसम्बन्धी मुद्धा दर्ता गरी थप अनुसन्धान थालिएको प्रहरीले जनाएको छ ।

अवैध रुपमा नदीजन्य सामग्री उत्खनन् गर्नेविरुद्ध जिल्लामै पहिलो पटक यस प्रकारको मुद्धा दर्ता गरिएको हो । मुलुकी अपराध संहिता ऐन २०७४ को दफा १ सय ४९ मा भएको व्यवस्था अनुसार जिल्लामा पहिलो पटक मुद्धा दर्ता भएको प्रहरी उपरीक्षक भोला रावलले बताउनुभयो ।

यो दफामा उल्लेख प्राकृतिक सम्पदा माथि अतिक्रमण गर्न नहुनेसम्बन्धी व्यवस्था अनुसार मुद्धा चलाइएको उहाँले बताउनुभयो । यो दफामा अतिक्रमणमा संलग्नलाई बिगो खुलेमा बिगो बमोजिम र नखुलेमा १० लाख रुपैयाँसम्म जरिवाना र १० वर्षसम्म कैद सजाय हुने उल्लेख छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्